شاندێ حكومەتا هەرێما كوردستانێ ئەڤرۆ د. محەمەد شوکری و سەفین دزەیی ل گەل هەر ئێك ژ گویدۆ گرۆسێتۆ، وەزیرێ بەرەڤانییێ و ئێدمۆندۆ چیرێلی، جێگرێ وەزیرێ دەرڤە یێ ئیتالیا كۆمبوو.
د كۆمبوونێدا شاندێ هەرێما کوردستانێ ل گەل ئەو هەردوو بەرپرسێن حکومەتا ئیتالیا؛ باس ل پەیوەندییێن سەربازی و سیاسی یێن دناڤبەرا هەولێر و رۆمایێ كر، پشتەڤانییا ئیتالیا بۆ وەزارەتا پێشمەرگەی و دلگرانییا حکومەتی هەرێما کوردستانێ ل دۆر دووماهی بڕیارێن دادگەها فیدرال و چەندین پرسێن دی دیاركر.
وەزیرێ بەرەڤانییا ئیتالیا ئامادەییا وەلاتێ خۆ بۆ هاریكاریكرنا هەردوو حکومەتێن هەرێما کوردستانێ و عیراقێ ب مەبەستا چارەسەرکرنا ئاریشەیێن نەهەلاویستی ب رێكێن ئاشتییێ دووپات دكەین.
وەزیرێ بەرەڤانییێ گۆتە شاندێ هەرێمێ، خەلكێ ئیتالیا هەرێما كوردستانێ و خەلكێ وێ گەلەك دڤێت و ئەم ب شیانین پشتەڤانییا هەرێمێ بكەین و دێ د بەردەوام بین و دێ هەر مینین دۆستێن گەلێ كورد.
جێگرێ وەزیرێ دەرڤە یێ ئیتالیا دووپات ل پشتەڤانییا وەلاتێ خۆ بۆ هەرێما كوردستانێ كر و گۆت، سەقامگیرییا هەرێما کوردستانێ بۆ ئارامی و سەقامگیرییا عیراقێ گەلەك یا گرنگە.
