وەزارەتا چاندنێ پێشبینی دكه‌ت بەرهەمێ گەنمی نێزیكی دو جاران هندی یێ پار بیت

هیوا عەلی، په‌یڤدارێ وەزارەتا چاندنێ و ژێده‌رێن ئاڤێ ل حکومەتا هەرێما کوردستانێ راگەهاند، بۆ ساخکرنا گەنمێ ئەڤ ساله‌ یێ جۆتیاران، وەزارەتا چاندنێ کۆمبوونەك کرییە و دێ شانده‌كێ هنێریتە بەغدا بۆ هندێ کێشە بۆ جۆتیارێن هه‌رێمێ دروست نەبیت.

هیوا عەلی دبێژیت ژی: پێشبینی دهێته‌ کرن بەرهەمێ ئەڤ ساله‌ یێ گەنمی ل عێراقێ نێزیکی شەش ملیۆن ته‌نان بیت و ملیۆنه‌ك بۆ 1.5 ملیۆن ته‌نان بەرهەمێ هەرێما کوردستانێ بیت.

 ئەڤ ساله‌ ژ پێنج ملیۆن دۆنه‌مێن ئه‌ردێ دێمی، پتر ژ 50 هزار جۆتیاران رووبەرێ نێزیکی سێ ملیۆن و 500 هزار دۆنه‌م كرینه‌ جه‌هـ و گەنم.

 ژ بلی سایلۆیێن حکومەتا هەرێما کوردستانێ، ل هەولێرێ 20 سایلۆ و ل سلێمانییێ ژی 12 سایلۆ د چارچۆڤێ پڕۆژێ بازاڕکرنا گەنمی هاتینه‌ دروستکرن و دێ د ئامادە دەبن بۆ وەرگرتنا گەنمێ جۆتیاران.