وه‌زاره‌تا كاره‌بێ یا هه‌رێما كوردستانێ راگه‌هاند؛ بڕیارا لێخۆشبوونا ب رێژه‌یا 20% ژ كڕێیا كاره‌بێ چوو د وارێ بجهئینانێ دا.
جڤاتا وه‌زیرێن هه‌رێما كوردستانێ د كۆمبوونا ژماره 128 ل رۆژا 27/3/2024 دا بڕیارا لێخۆشبوونا ب رێژه‌یا 20% ژ پاره‌یێ كڕێیا كاره‌بێ ل ده‌ف وه‌لاتییان دابوو.
وه‌زاره‌تا كاره‌بێ د به‌یانه‌كێ دا ئه‌ڤرۆ ئێكشه‌مبیێ راگه‌هاند “بڕیارا لێخۆشبوونا ب رێژه‌یا 20% ژ بڕێ پاره‌یێ كڕێیا كاره‌بێ ل ده‌ف وه‌لاتییان چوو د وارێ بجهئینانێ دا“.
وه‌زاره‌تێ دیار ژى كر “ئه‌ڤرۆ 7/4/2024 سكرتارییه‌تا جڤاتا وه‌زیران ب نڤیسارا ژماره 4650 بڕیار ئاراسته‌ى وه‌زاره‌تا كاره‌بێ كریه و داخواز ژى كریه بڕیار ژ رۆژا گشتاندنا وێ ل 7/4/2024 بچیته د وارێ بجهئینانێ دا”.
