سه‌فین دزه‌یى: سه‌ره‌دانا مه‌سرور بارزانى بۆ ئه‌مریكا كارتێكرن ل سه‌ر چاره‌سه‌ركرنا ئاریشه‌یێن هه‌ولێر و به‌غدا هه‌بوو

به‌رپرسێ فه‌رمانگه‌ها په‌یوه‌ندییێن ده‌رڤه‌ یێن حكومه‌تا هه‌رێما كوردستانێ ڕاگه‌هاند، سه‌ره‌دانا مه‌سرور بارزانى بۆ ئه‌مریكا كارتێكرنا خوه‌ هه‌بوو، هند نه‌مایه‌ ئاریشه‌یێن هه‌ولێر و به‌غدا چاره‌ببن.

سه‌فین دزه‌یى به‌رپرسێ فه‌رمانگه‌ها په‌یوه‌ندییێن ده‌رڤه‌ یێن حكومه‌تا هه‌رێما كوردستانێ د داخویانییێن ڕۆژنامه‌ڤانیدا دیاركر، ئه‌و عیراقا ل سه‌ر بنه‌مایێ فیدرالییه‌تێ هاتییه‌ دامه‌زراندن، ڕوژ بۆ ڕۆژێ به‌ره‌ڤ مه‌ركه‌زییه‌تێ دچوو، نه‌ بتنێ مافێ گه‌لێ كورد، به‌لكو مافێ هه‌موو پێكهاته‌یێن عیراقێ د هاته‌ بنپێكرن.

ئاماژه‌ ب هندێ دا، سه‌ره‌دانا مه‌سرور بارزانى بۆ ئه‌مریكا جهێ خوه‌ گرت و ژ ئه‌گه‌رێ تایبه‌تمه‌ندییا هه‌رێما كوردستانێ، گرنگییا پێگه‌هێ هه‌رێمێ بۆ تماما زلهێزێن جیهانێ بوویه‌ جهێ گرنگپێدانێ بوو، ژ ئه‌گه‌رێ فشاران هند نه‌مایه‌ ئاریشه‌یێن هه‌ولێر و به‌غدا چاره‌ببن.