مه‌ریوان قه‌ره‌نی: یاریكەرێن جەمسەری و هەرێمی ب ئاشكرایی یارییێن خۆ ل عێراقێ دكەن

جێگرێ سەرۆكێ فراكسیۆنا پارتی دیموكراتی كوردستان ل‌ په‌رله‌مانێ عێراقێ، ده‌ر‌باره‌یی سه‌ره‌دانا سوودانی بۆ واشنتۆن راگه‌هاند، ڤێ جارێ ره‌وش یا جۆدایه، هه‌تا ڕاده‌كێ زۆر پەردە هاتینه‌ لادان و هەموو یاریكەرێن جەمسەری و هەرێمی یارییێن خۆ ل گۆڕەپانا عێراقێ دا ب ئاشكرایی دكەن.

مەریوان قەرەنی” ل تۆرا جڤاكییا فه‌یسبووكێ ب ناڤونیشانێ ( دڤێت سوودانی چ گەرەنتییەكێ بده‌ته‌ ئەمریكا؟) به‌لاڤكرییه‌، تێدا دبێژیت: ئەڤرۆ محەمەد شیاع سوودانی، سەرۆكوەزیرێن فیدڕالی، سەره‌دانا خۆ بۆ واشنتۆنا پایتەختێ ویلایەتێن ئێكگرتی یێن ئەمریكا دەستپێكر، كو گرنگییا خۆ یا تایبەت هەیە.

گۆت ژی، “بۆ هندێ ئەمریكا پێشوازییێ ل وان بكه‌ت، به‌رپرسێن عێراقی هه‌رده‌م كێشێن خۆ ب شێوەكێ ڕووگەش چارەسەر دكه‌ن، راستەوخۆ پشتی ڤه‌گەڕیانێ، ڤه‌د‌گه‌رنه‌ڤه‌ سەر هەمان سیاسەتا خۆ یا خه‌له‌ت” ڤێ جارێ ره‌وشا یا جۆدایە، هه‌تا ڕادەكێ زۆر پەردە هاتینه‌ لادان و نوكه‌ هەموو یاریكەرێن جەمسەری و هەرێمی یارییێن خۆ ل گۆڕەپانا عێراقێ دا ب ئاشكرایی دكەن، وه‌لاته‌كێ هه‌رێمی ب رێیا گروپێن نێزیكی خۆ چ ل ناڤەڕاست و باشوورێ عێراقێ، چ ل هەرێما كوردستانێ، یارییا خۆ دكه‌ت و بزاڤان دكه‌ت هەموو یاریكەرێن دیتر دووربێخیت” مه‌زنترین گه‌ف ل سەر پێگەهێ ئەمریكا ل عێراقێ هەیە كو پێكهاتییه‌ ژ بزاڤا ئەوی وه‌لاتێ هه‌رێمی ب رێیا سازییێن دەستووری یێن عێراقی بۆ دوورخستنا هەر ئێك ژ وان لایەنێن كو خۆ ب هه‌ڤپەیمانێن ئەمریكا، یان ب كێمی خۆ ب رەوتێ نیشتمانی دزانن.