به‌رپرسه‌كێ وه‌زاره‌تا داراییا هه‌رێما كوردستانێ ڕاگه‌هاند، لیسته‌یا مووچه‌یێ هه‌یڤا چار یێ مووچه‌خۆرێن هه‌رێما كوردستانێ هاتییه ئاماده‌كرن، دڤێ حه‌فتییێدا لیسته دێ بۆ به‌غدا هێته هنارتن، بریاره هه‌تا 22ى هه‌یڤێ، وه‌زاره‌تا داراییا عیراقێ مووچه‌یێ هه‌موو مووچه‌خۆرێن هه‌رێما كوردستانێ ب هنێریت.
مه‌ولود سابر، ڕێڤه‌به‌رێ بانكێن بازرگانییێن هه‌رێما كوردستانێ دیاركر، دگه‌ل ده‌ستپێكرنا ده‌واما فه‌رمانگه‌هان، ده‌ست ب ئاماده‌كرنا لیستا مووچه‌یێ هه‌یڤا چار یێ مووچه‌خۆرێن هه‌رێما كوردستانێ هاته كرن، هه‌ر دڤێ حه‌فتییێدا دێ بۆ به‌غدا هێته هنارتن.
سه‌باره‌ت پله‌بلندكرنا فه‌رمانبه‌رێن هه‌رێما كوردستانێ ئاشكراكر، لیسته‌یا پله‌بلندكرنا فه‌رمانبه‌رێن هه‌موو وه‌زاره‌تا نه‌هاتییه تمامكرن داكو بۆ به‌غدا بهێته هنارتن.
گوت ژى: بریاره وه‌زاره‌تا داراییا عیراقێ هه‌تا 22ى نیسانێ مووچه‌یێ هه‌یڤا چار یێ هه‌موو مووچه‌خۆرێن هه‌رێما كوردستانێ ب هنێریت.
