ل سەر ئاستێ نێڤدەولەتی بەردەوام هەرێما کوردستانێ جهێ سەرنجێ بوویە و رۆلێ گرنگ ب ئاڕاستەیا چارەسەرکرنا کێشان گێڕایە و ئه‌ڤه ب ڕوونی ل سەره‌دانا محەمەد شیاع سوودانی، سەرۆکوەزیرێن عێراقێ بۆ واشنتۆن دەردکەڤیت و نوونەرێ هەرێما کوردستانێ ژی ل گەل وی شاندی دێ پشكدارییێ د کۆمبوونان دا كه‌ت.
هەرێما کوردستانێ پەیوەندییەکا دوور و درێژ ل گەل ئەمریکا هەیە و پێگەهێ هەرێما کوردستانێ ل سەر ئاستێ نێڤدەولەتی ب گرنگییڤە دهێته دیتن، هەروەکو د کۆمبووەنا ل گەل ئەنتۆنی بلینکن وەزیرێ دەرڤه‌یێ ئەمریکا، سەرۆکوەزیران مەسرور بارزانی راگەهاند، ب دلنیایی ڤه ئه‌م هه‌ڤپشكێن ئێكین و ب شانازیڤه دشێین بێژین، هه‌ڤپەیمانێن ئەمریكاینه. ئەنتۆنی بلینکنی ژی پشته‌ڤانییا خۆ بۆ حکومەتا هەرێما کوردستانا خۆڕاگر دوپاتکرییه” ئەڤ گرنگییا رۆلێ هەرێما کوردستانێ ژی دێ د سەره‌دانا سەرۆکوەزیرێن عێراقێ بۆ ئەمریکا دەرکەڤیت.
