ئەڤرۆ سێشەمبی 30 نیسانا 2024، محەمەد شیاع سوودانی، سەرۆکوەزیرێن عیراقێ دگەل عومەر ئەحمەد، دگەل سەرۆکێ کۆمسیۆنا بلند یا سەربەخۆ یا هەلبژارتنێن عیراقێ کۆمبوو.
ل گۆرەی نڤێسینگەها سەرۆکوەزیرێن عیراقێ، د کۆمبوونەکێدا سوودانی دووپاتی ل گرنگیا ب ڕێڤەچوونا هەلبژارتنێن پەرلەمانێ هەرێما کوردستانێ کر،”بەلێ هەلبژارتنەکێ کو د چوارچووڤەیێ ڕێککەڤتنا سیاسی و ب پشکدارییا گشت پێکهاتەیان بیت، هەروەسا دەستەبەرا بنەماییێن دادپەروەری و یەکسانییێ تێدا هاتبیتە کرن.”
هەروەسا د ڕاگەهاندنێ دا هاتیە،” هەر د کۆمبوونێدا سەرۆکوەزیرێن عیراقێ و سەرۆکێ کۆمسیۆنا هەلبژارتنێن عیراقێ، دووماهی ئامادەکارێن کۆمسیۆنێ دەربازی ب ڕێڤەچوونا هەلبژارتنێن پەرلەمانێ کوردستانێ گۆتوبێژ کرن.”
