ئاژانسا خانی:
رێڤه‌به‌رییا حه‌ج و عومرێ ل هه‌رێما كوردستانێ دیار کر: ل رۆژا 27 ی ڤێ هه‌یڤێ كاروانێ ئێکێ یێ حه‌جییێن كوردستانێ دێ قەستا وەلاتێ سعوودی کەت، ژ سه‌رجه‌مێ حه‌جییێن ئه‌ڤ ساله یێن هه‌رێما کوردستانێ، 877 حه‌جى ژ باژێرێ دهۆكێ و 234 حه‌جى ژ ئیدارا سه‌ربەخۆ یا زاخۆ دێ قەستا وەلاتێ سعوودی کەن.
كاروان ستوونى، په‌یڤدارێ رێڤه‌به‌رییا گشتییا حه‌ج و عومرێ ل هه‌رێما كوردستانێ بۆ ئاژانسا خانی دبێژیت: ل رۆژا 27 ی ڤێ هه‌یڤێ كاروانێ ئێکێ یێ حه‌جییێن هەرێما كوردستانێ دێ بهرهف وەلاتی سعوودیه برێكه‌ڤیت و هه‌تا رۆژا 5/6/2024 دێ هەموو حه‌جییێن كوردستانێ بهرهف سعوودیه برێكه‌ڤن.
ناڤهاتی گۆت ژی: ئه‌ڤ ساله چار هزار و 685 حه‌جییێن هه‌رێما كوردستانێ ب مەرەما بجهئینانا فه‌ریزا حه‌جێ دێ گه‌شتێ بۆ وەلاتێ سعوودی كه‌ن و ژ وێ ژمارێ 400 حه‌جى دێ ب رێیا هشكاتییێ گه‌شتێ بۆ سعوودیه ئه‌نجامده‌ن، هژمارا حه‌جییێن دهۆكێ 877 حه‌جى نه و یێن ئیدارا سه‌ربەخۆ یا زاخۆ ژى 234 حه‌جى نه”.
کاروانی گۆت ژی: بۆ ئه‌ڤ ساله تێچوویێ حه‌جێ ب دینارێ عێراقى و لدووڤ بهایێ فه‌رمی 132 هزار دینار به‌راهبه‌ر هه‌ر 100 دۆلاران ژ حه‌جییان دهێنه وه‌رگرتن، تێچوویێ رێیا هشكاتییێ ژی بۆ ئه‌نجامدانا حه‌جێ 5 ملیۆن و 300 هزار دینارن، هەروەسا تێچوویێ رێیا ئەسمانى ژی 6 ملیۆن و 350 هزار دینارن.
