نێچیرڤان بارزانی، سەرۆكێ هەرێما كوردستانێ ئەڤرۆ ب هەلكەفتا 62 سالییا دامەزراندنا ئێكەتییا مامۆستایێن كوردستانێ، پەیامەكا پیرۆزیاهییێ بەلاڤكر.
دەقێ پەیاما سەرۆكێ هەرێمێ:
د هەلكەفتا 62 سالییا دامەزراندنا وێ دا، ب گه‌رمى پيرۆزباهيیێ ل مه‌كته‌با سكرتاريه‌تا ئێكەتییا مامۆستايان و سەرجەم مامۆستايێن كوردستانێ د‌كه‌م و هيڤییا سه‌ركه‌فتن و پێشكه‌فتنا به‌رده‌وام بۆ د‌خازم، ب ڕێز و پێزانينڤه ل ئه‌رك و ماندیبوون و په‌ياما پيرۆز یا مامۆستايان د په‌روه‌رده‌كرن و پێگه‌هاندنا نڤشێن مە دنێڕم.
مامۆستا چینەكا هەرە گرنگن و بنه‌مایێ پێشكه‌فتنا كۆمه‌لگەهێ نە، پشتەڤانییێ ل هه‌می ماف و داخازێن وان یێن ڕه‌وا د‌كه‌م و ئەو ژ هەژی ژین و ژیارەكا خۆش و ئارامن. ڕۆلێ مامۆستايان ل سه‌رده‌مێ شۆڕەشێ و د ئازاديیێ دا، هه‌روه‌سا دلسۆزى و خۆڕاگرییا وان د ڕۆژێن سەخت دا داكو پڕۆسەیا خواندن و پەروەردێ نەڕاوستیت، چ جاران ناهێتە ژبیركرن.
د ڤێ بیرەوەرییێ دا ب ڕێز ڤە هەمی وان مامۆستایێن خۆشتڤی ل بیر دئینین یێن كو ل پێناڤی ئازادییا گەلێ خۆ، خەبات كرین و گیانێ خۆ بەخشی.
نێچيرڤان بارزانى
سه‌رۆكێ هه‌رێما كوردستانێ
2024/5/15
