مەسرور بارزانی، سەرۆكێ حكومەتا هەرێما كوردستانێ ئەڤرۆ پێشوازی ل میتیا لێسكۆڤار، بالیۆزێ ڤاتیكانێ ل عیراقێ كر كو ب مەرەما دووماهی هاتنا كارێ وی سەرەدان كربوو.
بالیوزێ ڤاتیكانێ سوپاسییا لایەنێن پەیوەندیدار یێن حکومەتا هەرێما کوردستانی کر بۆ پێشكێشكرنا کارئاسانی و هەماهەنگییا ل گەل بالیۆزخانە و هاریکاریکرنێ ژ پێخەمەت سەرئێخستنێ.
بالیۆزێ ڤاتیكانێ ل عیراقێ، ڕۆلێ حکومەتا هەرێما کوردستانێ د پاراستن و داکۆکیکرن ل مافێن گشت پێکهاتەیان و ب تایبەتی کریستیانێن هەرێمێ بلند نرخاند.
هەروەسا دووپات ل گرنگیدانا کەلتوورێ پێكڤەژیانا ئاشتییانە یا پێکهاتەیان کر و پابەندبوونا هەرێما کوردستانێ ب پاراستنا مافێن پێكهاتەیان دووپات کر.
سەرۆكێ حكومەتا هەرێما كوردستانێ سوپاسییا بالیۆزێ ڤاتیكانێ ل عیراقێ کر بۆ بزاڤ و کارکرنێ ژ پێخەمەت ب هێزکرنا پەیوەندییێن دوولایەنە و هیڤیا سەرکەفتنێ بۆ خواست د كارێن داهاتیدا .
