مونا یاقۆ، سەرۆكا دەستەیا مافێ مرۆڤی، ل هەرێما كوردستانێ، بۆ سایتێ (ئه‌لعاله‌م ئه‌لعه‌ره‌بی) ده‌ربارەیی ڤه‌گەڕاندنا پێنج كورسییان بۆ پێكهاتان دیار كر: بڕیارا دەستەیا دادوەرییا كۆمسیۆنا هەڵبژارتنێن عێراقێ ب ”سوپرایز“ وەسف كر و حێبه‌تییا خۆ دەربڕییە كو دادگه‌ها فیدڕالی لدووڤ مادێ 49″ ده‌مێ پێكهاتی ژ كورسییێن كۆتایان بێبه‌هر كرین، به‌لێ بڕیارا دەستەیا دادوەرییا كۆمسیۆنێ ب پشتبەستن ب هەمان مادە هاتییه دان، د ده‌مه‌كی دا لدووڤ مادێ 94 ێ دەستوورێ هەمیشەیێ عێراقێ، بڕیارێن دادگه‌ها فیدڕاڵی دووماهی و پابەندە بۆ هەموویان.
مونا یاقۆ دبێژیت: كێمكرنا كورسییێن پێكهاتان 11 كورسییان بۆ پێنج كورسییان یا “میزاجی” بوو” هه‌ر چه‌نده دەستەیا دادوەرییا كۆمسیۆنا هەڵبژارتنێن عێراقێ بڕیار دا، پێنج كورسیی بۆ پێكهاتان بهێنه تەرخان كرن، دو كورسی بۆ هەولێرێ، سلێمانیێ دو كورسی، هەروەسا دهۆك ئێك كورسی، كورسی ل سەر بنەمایێ نەتەوەیی هاتینه دانان.”
ئه‌و ژی گۆتییه: دهۆك، مه‌زنترین پێگەهێ كریستیانێن ئاشووری و كلدانانە، چ كورسی بۆ نه‌هاتینه دانان، ئەو كورسییێ هاتییه دانان بۆ ئەرمەنانە كو هەر چەندە كریستیانن، بەلێ وەكو نەتەوە كورسی بۆ نه‌هاتینه دانان” هەروەسا ل سلێمانییێ هژمارا مەسحییان گه‌له‌ك كێمترە و كورسی بۆ كلدانی و ئاشووری هاتییه دانان.“
