پەیڤدارا كومسیۆنا بلند یا هەلبژارتنێن عیراقێ ڕاگەهاند، تەمەنێ كومسیۆنا بلند یا هەلبژارتنێن عیراقێ هاتیە درێژكرن هەتا هەلبژارتنێن پەرلەمانێ كوردستانێ بهێنە ئەنجامدان.
جومانە غەلای، پەیڤدارا كومسیۆنا بلند یا هەلبژارتنێن عیراقێ دیاركر، كومسیۆن نوكە یا ئامادەیە هەلبژارتنێن پەرلەمانێ كوردستانێ ئەنجام بدەت، بەلێ بۆ دەمێ ئەنجامدانێ پێدڤییە سەرۆكایەتییا هەرێما كوردستانێ ڕۆژەكێ دیار بكەت.
جومانە غەلای گۆت ژی، كومسیۆن ل گەل سەرۆكایەتییا هەرێمێ د دانوستاندنا دایە بۆ هندێ دەمەكێ نوی بۆ هەلبژارتنان بهێتە دانان، هەروەسا بڕیارا دادگەها فیدرال ژی كاریگەری هەبوو ل سەر ئەنجامدانا هەلبژارتنێن كوردستانێ و كورسییێن پێكهاتەیان.
هەروەسا دیاركر، ئەو كەسێن د هەلبژارتنێن بووریدا پەنجەمۆرا وان نەدهاتە خاندن، دشێن بچنە ناڤەندێن تۆماركرنێ و ئاریشەیا خۆ چارەسەر بكەن و نوكە ناڤەندێن تۆماركرنێ د ڤەكرینە.
