تریفە عەزیز، نوونەرا حکومەتا هەرێما کوردستانێ ل واشنتۆن، گۆتاره‌كێ دا بۆ سایتێ (زە هیلی) یێ ئەمریکی نڤیسایە، داخوازێ ژ حکومەتا ئەمریکا و ئیدارا جۆ بایدنی دكه‌ت، هاریکارییا سەربازی یا هەرێما کوردستانێ بکه‌ت و ب زووترین ده‌م سیستەمێ بەرگرییا ئه‌سمانی بۆ کوردستانێ دابین بکەن.
نوونەرا حکومەتا هەرێما کوردستانێ د وێ گۆتارێدا، یاكو بناڤێ ( بۆ پشتراستبوون ژ هندێ كو سەقامگیری ل رۆژهەڵاتا ناڤین دێ په‌یدا بیت، دڤێت پێنتاگۆن هاریکارییان بۆ کوردان دابین بکه‌ت) به‌لاڤكرییه و دبێژیت، هاریکاریکرنا سەربازی و چەک و سیستەمێ پێشکەفتییێ بەرگرییا ئەمریکی، دێ بیته ئه‌گه‌رێ پاراستنا بەرژەوەندییێن هه‌ڤپشكێن هەولێر و واشنتۆن.
هه‌روه‌سا دبێژیت: کورد ئێکە ژ وان هه‌ڤپەیمانێن ئەمریکا كو دشێت ل رۆژهەڵاتیا ناڤین پشتا خۆ پێ گرێبده‌ت، بەلێ نوكه کورد د ره‌وشه‌كا مەترسیدانه و گرووپ و میلیشیاتێن توندڕەو، بووینە گه‌ف بۆ سەر دیموکراسییا وان و هەروەسا بوینە گه‌ف بۆ سەر سەربازان و پێگەهێن دبلۆماسی ل هەرێمێ.”
هەروەسا گۆتییه “هێزێن پێشمەرگەیی چەکێ پێدڤی لبه‌رده‌ست نینه هه‌تاكو بشێن بتنێ به‌رهنگاری هەموو ئەوان مەترسی و هیرشان ببنن له‌وما گرنگە وەزارەتا بەرگرییا ئەمریکا – پێنتاگۆن، سیستەمێ بەرگرییا ئه‌سمانی بۆ هەرێما کوردستانێ دابین بکه‌ت” داكو بشێن بەرگرییێ ژ خۆ و هێز و دبلۆماتکارێن ئەمریکا ژی بکەن.
