نوونەرا تایبەت یا سكرتێرێ گشتییێ نەتەوەیێن ئێكگرتی ب ئەگەرێ نێزیكبوونا تەمامبوونا دەمێ كاركرنا وێ ل عیراقێ پەیامەك بەلاڤكر و دیاركر، كو ئەز گەلەك تشتان یا ژ زەلام و ژنێن هەرێما كوردستانێ و عیراقێ فێربوویم كو هەر چەندە چەندین جاران تووشی بەرهەنگارییێن دژوار بووینە بەلێ گەشبینییەك بۆ ڕۆژێن داهاتی هەنە، چ جاران ژی هەوە ژبیرناكەم.
جینین هێنیس پلاسخارت، نوونەرا تایبەت یا سكرتێرێ گشتییێ نەتەوەیێن ئێكگرتی د پەیامەكێدا ڕاگەهاند، د دەمێ پێنج سالێن بووریدا، ئەز گەلەك مەندەهوش بووم ب مەزناهی و مێهڤاندارییا گەلەكی كو هەردەم د دابونەریتێن پێشوازیكرنا خەلكێ بیانی و هاریكارییا وان یا پێدڤی.
پلاسخارتێ سوپاس و پێزانین هەبوون بۆ هاریكاری و پشتەڤانییێ د دەمێ بووریدا ل هەرێما كوردستانێ و عیراقێ كو پێشكێشی یونامی و بنەمالێن بەرفرەهێن نەتەوێن ئێكگرتی كری.
هەروەسا دیاركر ژی، كۆمبوون و دانوستاندنێن ل گەل ژمارەكا وەلاتییان، نوینەرێن جڤاكێ مەدەنی، سەرۆك عەشیرەت، ئەكادیمیی، سەركردەیێن ئایینی، هەتا دگەهیتە دەستهەلاتدارێن ناڤخۆ، پارێزگار، داداوەر، بەرپرسێن ئێمناهی و سیاسەتمەداران بلند نرخاند.
ل دووماهییێ، جینین هێنیس پلاسخارت دیاركر، ژ پێشینەیا سەرەكییا ناڤەڕۆكا نەتەوەیێن ئێكگرتی” پێشئێخستنا ئاشتی و خۆشگوزەرانییێ بۆ هەمییان” بێ جوداهییا لایەنان.
