ئەندامه‌كێ لژنا نەفت و گازێ: عێراق ل سەر حیسابا هەرێما کوردستانێ پابەندی بڕیاره‌كا ئۆپێک بوو

ئەندامه‌كێ لژنا نەفت و گازێ ل په‌رله‌مانێ عێراقێ” ژ فراكسیۆنا پارتی دیموكراتی كوردستان دیار كر: حکومەتا عێراقێ ل سەر حیسابا هەرێما کوردستانێ پابەندە ب بڕیارا ئۆپێک پڵاس بۆ کێمکرنا بەرهەمئینانیا ڕۆژانە ب ڕێژا 400 هزار بەرمیلێن نەفتێ.

د. سەباح سوبحی، گۆت ژی، “حکومەتا عێراقێ ل سەر حیسابا هەرێما کوردستانێ پابەندە ب بڕیارا ئۆپێک پڵاس بۆ کێمکرنا بەرهەمئینانا ڕۆژانه‌ ب  ڕێژا 400 هزار بەرمیلێن نەفتێ، هه‌روه‌سا ئەگەر هنارتنا نەفتا هەرێما کوردستانێ دەستپێبکه‌ت، دڤێت حکومەتا فیدراڵی بەرهەمئینانا نەفتێ ژ جهه‌كێ دیترێ عێراقێ کێم بکه‌ت، ئەڤه‌ ژی ئێکە ژ کێشێن هه‌مبه‌ر هنارتنا نەفتا هەرێمێ”.

ناڤهاتی گۆت ژی، “ئاراسته‌‌ك دناڤا وه‌زاره‌تا نه‌فتا فیدرالی دا هه‌یه‌ بۆ هندێ به‌ربه‌ستان بێخنه‌ هه‌مبه‌ر هنارتنا نه‌فتا هه‌رێما كوردستانێ و ئه‌و ل به‌هانه‌یه‌كێ دگه‌رن، بۆ هندێ كو درێژییێ ب راوه‌ستاندنا هنارتنا نه‌فتا هه‌رێمێ بده‌ن و وان ئه‌و بابه‌ته‌ هند‌ سیاسی كرییه‌، كو وی بابه‌تی هند پرسه‌كا ته‌كنیكی نینه‌.

ل (25 ی ئادارا 2023) ێ، هنارتنا نه‌فتا هه‌رێما كوردستانێ ب‌ رێیا به‌نده‌رێ جه‌یهان یێ توركی هاتییه‌ راگرتن.