پەیڤدارا کومسیۆنا بلند یا سەربەخۆیا هەلبژارتنێن عیراقێ دیاركر، سوبەهی ڕۆژا ئێكشەمبی 02-06-2024ـێ دووماهی ژڤانە بۆ خۆ تۆماركرنێ د پرۆسەیا بایۆمەتری دا.
جومانە غەلای، پەیڤدارا کومسیۆنا بلند یا سەربەخۆیا هەلبژارتنێن عیراقێ ڕاگەهاند، هەمی دەنگدەرێن هەرێما كوردستانێ ئاگەهدار دكەین كو ئەوێن هەتا نوكە خۆ تۆمارنەكری یان ژی ئاریشەیا پەنجەمۆرێ هەبوو یان ژی ژ دایكبوویێن 2006ـێ نە و هەتا نوكە خۆ تۆمار نەكرییە، سوبەهی دووماهی ژڤانە بۆ خۆ تۆماركرنێ، پشتی ئەڤی دەمی نەشێن خۆ تۆمار بكەن.
جومانە غەلای گۆت ژی، د ئەڤسالە دا ل پارێزگەها هەولێرێ 60 ھزار و 85 کەسان خۆ تۆماركریە و ل پارێزگەها دھۆکێ ژی 25 ھزار و 797 کەسان و ل سلێمانییێ ژی 36 ھزار و 177 كەسان خۆ د پرۆسەیا تۆمارا بایۆمەتی دا تۆماركریە.
هەروەسا دیاركر، ئەو ژمارەیا كارتێن هەتا نوكە هاتینە دابەشكرن ژمارا وان 322 ھزار و 686 کارتن، كو ل ھەولێرێ 111 ھزار و 308 کارت و ل پارێزگەها دھۆکێ ژی 84 ھزار و 88 کارت و ل سلێمانییێ127 ھزار و 290 کارت و ئەو کارتێن ل بنگەهێن دەنگدانێ ماین ژمارا وان 666 ھزار و 226 کارتن.
