کاڤین شێخ سەعید، ئەنداما جڤاتا نوونەرێن عیراقێ ڕاگەهاند، دەمێ سوودانی سەرەدانا واشنتۆن كری، ئەمریكا داخوازا چارەسەركرنا ئاریشەیا بابەتێ نەفتێ ل هەرێما كوردستانێ و بەغدا كربوو.
ئەنداما جڤاتا نوونەرێن عیراقێ دیاركر، دەمێ سەرۆكوەزیرێن هەرێما كوردستانێ سەرەدانا بەغدا كر و ل گەل هەمی لایەنان كۆمبوو، كو سەرەدانەكا ئەرێنی و باشبوو، ڕێككەڤتن ل سەر هەمی بابەتان كر، بەلێ دیارە كو بابەتێ نەفتێ بابەتەكێ سیاسییە، ژبەر هندێ سوودانی داخواز كر كو بابەت بهێـە چارەسەركرن.
هەروەسا دیاركر ژی، هندەك وەزارەت ل عیراقێ هەنە نەڤێن بابەتێ نەفتێ بهێتە چارەسەركرن، هەروەسا هەرێما كوردستانێ هەمی پابەندییا خۆ بجهئینا، بڕیاربوو ئەڤێ حەفتییێ كۆمبوونا وەزارەتا سامانێن سرۆشتی یا هەرێما كوردستانێ و وەزارەتا نەفتا عیراقێ بهێتە كرن بەلێ بۆ حەفتییا بهێت هاتە پاشئێخستن.
