دەزگەهێ ڕوانگە، ب پشتەڤانییا دارایی یا وەزارەتا دەرڤە یا دانیمارك و د چارچووڤێ خۆلا پشتەڤانییا گەنجێن ڤەگەڕیایی دا، خۆلێن ڕاهێنانان بۆ وان كەسان ڤەدكەت یێن ژ ئەوڕۆپا ڤەدگەڕن.
د نوكە دا ل سنۆرێ پارێزگەها هەلەبجە و د سێ قۆناغێن ئێك هەیڤی دا، خۆلێن ڕاهێنانان بۆ كەسێن ڤەگەڕیایی هاتینە ڤەكرن.
خوبەيب نادر، سەرپەرشتيارێ مەيدانی یێ دەزگەهێ ڕوانگە ل پارێزگەها هەلەبجە ڕاگەهاند، ” ئارمانجا ڤی پڕۆژەی هاندانا وان گەنجانە ئەوێن ل دەرڤەی وەلاتی و دڤێت ڤەگەڕن. ل ڤێرێ ئەم ئاسانکاريیان بۆ دکەين و ئەوێن ڤەگەڕیاین دێ هێنە فێركرن كو بشێن كارەكی بۆ خۆ ببینین و دێ پشتەڤانییا دارایی یا هندەك ژوان كەین. “
لدویڤ داتایێن دەزگەهێ لووتكە بۆ كاروبارێن ئاوارە و پەنابەران، 186 هزار و 422 کەسان داخازا مافێ پەنابەرییێ کریە، لێ سال بو سالێ ئەڤ ژمارە داكەفتییە ب ڕەنگەكی كو ل سالا 2023 بۆ 19 هزار و 500 کەسان كێم بوویە.
