مالپەرێ عەرەبی جەدید: زۆڕبوونا باوەرنامێن دكتۆرایێ دناڤ بەرپرسێن عیراقێ دا بها بۆ وێ باوەرنامێ نەهێلایە

مالپەرێ عەرەبی جەدید یێ قەتەری ئاشكەراكر، د دەمێ د چار سالێن بووری دا 500 بەرپرس و فەرماندێن سەربازی یێن عیراقێ باوەرناما دكتۆرایێ ب دەستڤەئیناینە كو پشكەكا باوەرنامان گۆمان ل سەر هەیە.

مالپەری دیار ژی كریە، بەرپرسێن عیراقێ باوەرناما ماستەرێ ب سێ هزار و باوەرناما دکتۆرایێ ب پێنج هزار دۆلاران ژ زانکۆیێن لوبنان، قوبرس، تورکیا و ڕووسیا وەردگرن و زۆرییا ژمارا باوەرنامێن دکتۆرایێ ل ناڤ بەرپرسێن عیراقێ بها بۆ وێ باوەرنامێ نەهێلایە.
بەرپرسێن عیراقێ باوەرنامێن خۆ بۆ بهێزكرنا پێگەهێ خۆ یێ سیاسی بكاردئینن و سالانە ب سەدان بەرپرس و میدیاکار و فەرماندێن سەربازی ل عیراقێ پەنایێ بۆ بدەستڤەئینانا باوەرناما ماستەر و دکتۆرایێ ل وەلاتێن دەرڤە دبەن.
مالپەرێ قەتەری ئەو چەندە ژی ئاشكەراكریە كو بەرپرسێن عیراقێ ل بەرامبەر پێدانا بڕەكا پارەی و بێ خۆ ماندیكرن دبنە خۆدان باوەرنامێن ماستەر و دكتۆرایێ.