کۆمپانییەکا گه‌شتییارییا عێراقی فێل ل 200 گه‌شتییارێن وی وه‌لاتی كرییه‌

کۆمپانییەکا گەشتیاری ل عیراقێ ب به‌هانه‌یا گەشتکرنێ بۆ وه‌لاتێ سوورییێ، فێل ل 200 وەلاتییێن عیراقێ کرییە.

میدیایێن عیراقی دیاردكه‌ن، کۆمپانییەکا گەشتییاری یا نەتۆمارکری فێل ل 200 وەلاتییێن پارێزگەهێن ناڤەراست و باشۆرێ عیراقێ کرینە و وێ کۆمپانییێ کۆژمێ 100 ملیۆن دیناران ژ وان وەلاتییان وەرگرتینە داکو گەشتەکێ بۆ وەلاتێ سوورییێ بۆ وان رێکبێخیت، لێ گەشت بۆ وان رێکنەخستییە.

پشتی وان گه‌شتییاران چەندین سکالا ل سەر وێ کۆمپانییا نەتۆمارکری تۆمارکرین، هێزێن ئێمناهییێ یێن عیراقێ خودانێ وێ کۆمپانییێ ل باژێڕێ نەجەف دەستەسەرکرییە.