ڤه‌كۆلینه‌كا ناڤەندا کلیڤلاندا نۆشداری ل ئەمریکا دیار كر، مادەكێ دناڤ شەکرا دەستکرد دا ئەگەرێ تووشبوونێ ب نەخۆشییێن دڵ و ده‌مارێن خوینێ زێده دكه‌ت.
ئه‌و ڤه‌كۆلینه ب پشكدارییا پتر ژ سێ هزار کەسان هاتییه کرن و دیار دكه‌ت، مادێ ‘زایلیتۆڵ’ بۆ شرینکرنا دەستکرد د هەرئێك ژ بەرهەمێن ‘به‌نیشتی، خوارنا زارۆیان و هەڤیرێ ددانان’ هەیە و مەترسییا تووشبوونێ ب جەڵتەیا دلی و نەخۆشییێن دیترێن دلی زێده دكه‌ت.
مارکۆ ویتکۆوسکی، ئێک نڤێسەرێن وێ ڤه‌كۆلینێ دبێژیت: زایلیتۆڵ رێژا کالۆری د شەکرا ئاسایی دا کێمترە و ب شێوەكێ سروشتی دناڤا فێقی كه‌سكاتی دا هه‌یه، ژبه‌ركو رێژا کالۆری تێدا یا کێمە له‌وما وەکو جهگرێ شەکرا سپی دهێته بكارئینان.
