ئاژانسا خانی:
شیره‌تكارێ سەربازییێ سەرۆکێ ھەرێما کوردستانێ دیار كر: پشتی دروستکرنا دو فرقەیان بۆ ھێزا پێشمەرگەیی، نوكه فرقەیا سێیێ د قووناغا دووماهییێ دایە و بڕیارە فرقەیا چارێ ژی ل سلێمانییێ بهێته دروست کرن، له‌وما پرۆسا یەکخستنا ھێزێن پێشمەرگەیی گه‌له‌ك ب باشی برێڤە دچیت.
بابەکر زێباری، ئه‌و ژی دیار كر: کارێ یەکخستنا ھێزێن پێشمەرگەیی ب شێوەكێ گه‌له‌ك باش و بێی بەربەست برێڤە دچیت، نوكه کار ل سەر دروستکرنا فرقەكێ دهێته كرن، ل ده‌مێ بوری دو فرقە هاتینه دروست کرن، نوكه کار ل سەر فرقەیا سێ دهێته کرن و کارێ گه‌له‌ك باش تێدا هاتییه کرن و د قوناغا دووماهییێ دایە و ل پارێزگه‌ها دھۆکێ دهێته دروستکرن.
ھەر فرقەک چار لیوایە و ھەر لیوایەک سێ فەوجە و ھەر فەوجه‌ک چار فەسیلەیە، ب وی ره‌نگی دهێته دروستكرن بڕیارە فرقەیا چارێ ل پارێزگه‌ها سلێمانییێ بهێته دروستکرن و ئه‌و پرۆسە گه‌له‌ك باش برێڤه دچیت و بڕیارە ١١ فرقە بهێنه دروستکرن، بەلێ ده‌م پێ دڤێت ب چه‌ندین قووناغان دێ هێنه بجهئینان.
