ڕۆژا سێشەمبی 11ـی خزیرانێ 2024ـێ مەسرور بارزانی، سەروكێ حكومەتا هەرێما كوردستانێ، ل زەڤیەكا بەرهەمئینانا پتاتان ل بەردەڕەش دگەل ژمارەیەكا جۆتیارێن دەڤەرێ كۆمبوو ڕاگەهاند:”دێ ب هه می شێوەیان پشتەڤانییێ ل جۆتیارێن هەرێما كوردستانێ كەین.”
سەرۆكوەزیران د ڕونشتنەكێ دگەل جۆتیاران دا، دەستخۆشی لێ كر و خۆشحالییا خۆ بۆ پێشڤەبرنا بەرهەمێ ناڤخۆیی دیارکر و دووپاتكر ب هەمی ڕەنگان دێ پشتەڤانییێ ل جۆتیارێن هەرێما كوردستانێ كەت و هەروەسا حكومەتا هەرێما كوردستانێ دێ یا بەردەوام بیت بۆ بەرەڤ پێشڤەبرنا كەرتێ چاندنێ.
جۆتیارێن دەڤەرێ ژی ژ لایێ خۆڤە سوپاسیا سەرۆكێ حكومەتا هەرێما كوردستانێ كر ژبۆ پێشڤەبرن و پشتەڤانییا كەرتێ چاندێ و چەندین پێشنیار و تێبێنی ب مەرەما پێشڤەبرنا كەرتێ چاندێ و چارەسەركرنا ئاریشەیان بەرچاڤكرن، سەرۆكوەزیران ژی پشتەڤانییا خۆ بۆ هەمی ئاسانكارییان ژ بۆ جۆتیاران دووپاتكر.
