ڕێڤەبەرێ گشتی یێ حەج و عۆمرەیا کوردستانێ ڕاگەهاندیە، ژمارەیەکا کوردان ل ژدەرڤەی ڕێنماییان بۆ حەجکرنێ چووینە سعوودی، ل باژێڕێ مەککەهێ هاتینە دوورئێخستن، بەلێ کەس ژ ئەوان نەهاتیە دەستەسەرکرن.
ئەڤرۆ ڕۆژا سێشەمبی 11 خزیرانا 2024ـێ، شێخ نیاز راغب نەقشبەندی، ڕێڤەبەرێ گشتییێ حەج و عۆمرەیا هەرێما کوردستانێ ڕاگەهاند،”ژمارەیەکا کەسان ل دەرڤەی پشکا هەرێما کوردستانێ، چووینە سعوودیە بۆ حەجکرنێ، ل گۆرەی زانیارییێن مە، چ کەس نە هاتیە دەستەسەرکرن، بەلێ پشکەکا ئەوان ل باژێڕێ مەککەهێ هاتینە دویرخستن و سازییێن سعوودییە بەرداوامن ل سەر دوورخستنا ئەوان.”
ڕێڤەبەرێ گشتی یێ حەج و عۆمرەیا هەرێما کوردستانێ ئاماژە کریە ژی، چ مالباتەکێ پەیوەندی ب ئەوان نەکریە کو بسەلمینن کەسەکێ ژ لایێ سازییێن سعوودیە ڤە هاتبیتە دەستەسەرکرن، ل چ دەزگەهێن ڕاگەهاندنێ یان سۆشیال میدیایێ چ بابەتێن وەسا نە گەهشتینە ئەوان.
