پێشەوا هەورامانی، پەیڤدارێ حكومەتا هەرێما كوردستانێ ئەڤرۆ د كونگرەكێ ڕۆژنامەڤانیدا ل دۆر مووچەیێ هێزێن ئێمناهییێ ڕاگەهاند، ڕێككەفتن دناڤبەرا حکومەتا هەرێمێ و عیراقێ دا هاتییە كرن كو ئێدی مووچەیێ هێزێن ئێمناهییێ و پێشمەرگەی ب چ شێوەكێ نەهێنە پاشئێخستن، پشتی جەژنا قوربانێ ژی ئەو مووچەیێ نەهاتییەدان دێ هێتە بەلاڤكرن.
ل دۆر بابەتێ هنارتنا نەفتێ پەیڤدارێ حكومەتا هەرێمێ دیاركر، بەری چەند ڕۆژان شاندەكێ حكومەتا هەرێمێ و كۆمپانییێن نەفتێ ل گەل وەزارەتا نەفتا عیراقێ كۆمبوون، لێكتێگەهشتنەكا باش دناڤبەرا وان دا هەبوو و كۆمبوونەكا گەلەك ئەرێنی بوو.
