مەسرور بارزانی، سەرۆکێ حكومەتا هەرێما کوردستانێ، پێشوازی ل لەیلا بەکر، ڕێڤەبەرا نڤێسینگەها هەرێمایەتی سندوقا نەتەوەیێن ئێكگرتی بۆ ئاكنجییێن وەلاتێن عەرەبی کر.
د دیدارێدا دانوستاندن ل دۆر کار و پڕۆژە و چالاکییێن سندوقا نەتەوەیێن ئێكگرتی بۆ ئاكنجییێن ل عیراق و هەرێما کوردستانێ د بیاڤێ گەشەپێدان و گرنگیدانا شیانا ئەنجامدانا ئامار و سەرژمێرییا ئاكنجییان هاتە کرن، ب تایبەت کو بڕیارە ل هەیڤا یازدە یا ئەڤسالە سەرژمێرییا گشتی ل عیراقێ بهێتە ئەنجامدان.
هەروەسا د كۆمبوونێدا دووپات ل پێدڤییا گرنگیدانا هاریکاری و هەماهەنگییا دناڤبەرا لایەنێن پەیوەندیدار یێن حکومەتا هەرێما کوردستانێ و حکومەتا فیدرال ل گەل سندوقا نەتەوە نەتەوەیێن ئێكگرتی بۆ ئاكنجییان کر، ژ پێخەمەت سەرئێخستنا پرۆسەیا سەرژمێری، کو پێدڤییە بتنێ بۆ مەرەما گەشەپێدانا ئاكنجییان بیت و ب شێوەکێ دادپەروەرانە و دویر ژ هەر ئارمانجەكا سیاسی بهێتە ئەنجامدان.
