فارس عیسا، نوونەرێ حکومەتا هەرێما کوردستانێ ل بەغدا، ل گەل شاندەكی سەرەدانا پارێزگەها کەربەلا کر و ل گەل پارێزگارێ ئەوی باژێری”نسەیف جاسم خەتابی” كۆمبوو.
نوونەرێ حکومەتا هەرێما کوردستانێ سلاڤێن مەسرور بارزانی، سەرۆکێ حکومەتا هەرێما کوردستانێ گەهاندنە پارێزگاری و دووپات ل هندێ كر، كو پارێزگەها کەربەلا د گەشەسەندنا بەردەوامدایە، ئەڤە ل داهاتی دێ بیتە ئەگەرێ بهێزكرنا پەیوەندی و هاریكارییان دناڤبەرا هەرێم و پارێزگەها کەربەلا.
هەروەسا د كۆمبوونێدا، میکانیزمێن هاریکارییا هەڤپشك د كۆمەكا بابەتێن هەڤپشك دناڤبەرا هەرێمێ و ئەوێ پارێزگەهێ گوتۆبێژكر، ژ وان ژی بابەتێ ئابووری و ڕەۆشنبیری و خزمەتگوزاری.
د تەوەرەكێ دی یێ دیدارێدا، گرنگییا ئالۆگۆڕییا بازرگانی و گەشتیاری دناڤبەرا هەرێما کوردستانێ و پارێزگەها کەربەلا هاتە بەحسكرن، هەروەسا هەردوولایان هیڤی خواست بۆ زێدەتر یا دەفەتێن وەبەرهێنانا هەڤپشك و گرنگیدانا ژێرخان و پشتەڤانیكرن ب ئەوی ئاراستەی.
نسەیف جاسم دووپات كر، پارێزگەها کەربەلا یا ئامادەیە و هەمی ئاسانكارییێن پێدڤی دێ كەت بۆ بهێزكرنا هاریكارییێن بەرهەمدار دناڤبەرا هەردوولایان و گۆت، ئەڤ سەرەدانە دێ پەیوەندییێن برایەتی دناڤبەرا هەرێم و پارێزگەهێ بهێزتر لێ كەت بۆ بدەستڤەئینانا سەركەفتنا زێدەتر یا هەڤپشك.
