وەزیرێ بازرگانییا عیراقێ دبێژیت:”هەولێر و بەغدا د بەرهەمئینانا گەنمی دا گەهشتینە ئاستێ خۆ ب خودانکرنێ، تا نوکە بەرهەمی 5.5 ملیۆن تەن دەربازکرینە.
ڕۆژا ئێکشومبی 30 خزیرانا 2024 ، ئەسیر داود غرێری، وەزیرێ بازرگانییا عیراقێ د ڕێوڕەسمێن دانانا بەرێ بنیاتی یێ سایلۆیا هەلەبجە دا گۆتارەک پێشکێشکر.
وەزیرێ بازرگانییا عیراقێ د پشکەکا گۆتارا خۆ دا گۆتی:”شانازییێ ب ئاڤەدانی و پێشڤەچوونا هەرێما کوردستانێ دکەین، پەسنا بەرێز سەرۆکێ حکومەتا هەرێما کوردستانێ دکەین ژ پێخەمەت هاڤێتنا ئەڤان پێنگاڤان.”
وەزیرێ بازرگانییا عیراقێ باس ل پرۆسەیا وەرگرتنا گەنمی کر و گۆت:”بەرهەمێ سالا بووری نێزیکی پێنج ملیۆن و 200 هزار تەنێن گەنمی بوو. ئەڤ سالە تا نوکە 5 ملیۆن و 500 هزار تەن دەربازکرینە عیراق و هەرێما کوردستانێ گەهشتینە ئاستێ خۆ ب خودانکرنێ.
