<h3 style="text-align: justify;"><span style="font-size: 18pt;">دبهریكانهیا ( خهلاتێ نێڤدهولهتییێ پهرتووكاندا ) كو سالانه ژلایێ (American Book Feast) ڤه دهێته ڕێكخستن و ب باشترین پهرتووك دههموو بیاڤاندا دهێته دان، ئهڤساله د بیاڤێ مێژوویا گشتیدا پهرتووكا سهرۆك بارزانى كو ب زمانێ ئینگلیزى هاتییه چاپكرن و تایبهته ب بیرهاتنێن وى ل سهر ڕوودانێن مێژوویى یێن چهندین دههێن بووری، خهلاتێ باشترین پهرتووك دوێ بهریكانهیا نێڤدهولهتیدا ب دهستڤهبر.</span></h3> <h3 style="text-align: justify;"> <span style="font-size: 18pt;">نێزیكى 15 سالایه بهریكانهیا ( خهلاتێ نێڤدهولهتییێ پهرتووكان ) دهێته ڕێكخستن، خهلاتێ وێ ب باشترین پهرتووكێن سالێ دههموو بیاڤاندا دهێته بهخشین، ژ سالا 2010 وهره ئهو خهلاته ب چهندین پهرتووكان د ههموو بیاڤاندا ل سهرانسهرى جیهانێ هاتییه پێشكێشكرن.</span></h3> <h3 style="text-align: justify;"> <span style="font-size: 18pt;">ئهڤساله دبیاڤێ مێژوویا گشتیدا، پهرتووكا سهرۆك بارزانى ب ناڤونیشانێ ( بارزانى و بزاڤا ڕزگاریخوازا كوردى، شۆرهشا گۆلانێ – بهرگێ چارێ )، پشكێن ئێكێ و دووێ، ژلایێ دادڤان یهحیا خهلیل نڤیسهرێ كورد ئاكنجییێ بریتانیا بۆ زمانێ ئینگلیزى هاتییه وهرگێران، دوێ بهریكانهیا نێڤدهولهتیدا دووهم خهلات دوى بیاڤیدا بۆ سالا 2024ێ ب دهستڤهبر، ئهڤه دبیته جارا ئێكێ پهرتووكا سهركردهیهكێ كورد دبهریكانهیا نێڤدهولهتییا پهرتووكاندا ل سهر ئاستێ جیهانێ، وى خهلاتى ب دهستڤهدبهت.</span></h3> <h3 style="text-align: justify;"> <span style="font-size: 18pt;">ل دووڤ ڕێكخراوێن وێ بهریكانهیا جیهانى دبیاڤێن نڤیسین و چاپێدا، بۆ بهریكانهیا ئهڤساله، ئهو پهرتووكه هاتنه خهلاتكرن، یێن ل سالێن ( 2024،2023،2022 )ێ هاتینه چاپكرن.</span></h3> <h3 style="text-align: justify;"> <span style="font-size: 18pt;">جێفرى كین ڕێڤهبهرێ بجهئینانێ ل كۆمپانییا (American Book Feast ) كو ڕێكخهرێ خهلاتێن نێڤدهولهتییه ل دۆر ڤى خهلاتى ڕاگههاند، ئهڤساله ب هزاران ناڤونیشان هاتنه پێشكێشكرن و ب تنێ چهند ژمارهیێن كێم بهربراژێن خهلاتى بوون.</span></h3> <h3 style="text-align: justify;"> <span style="font-size: 18pt;">ههروهسا گوت: ئارمانج ژ ڤێ خهلاتكرنێ پشتهڤانییه بۆ جیهانا پهرتووكان، ههروهسا بزاڤهكه داكو سهرنجا خواندهڤانان بۆ خۆ ڕابكێشن و ڤهگهرنه جیهانا پهرتووكان.</span></h3> <h3 style="text-align: justify;"> <span style="font-size: 18pt;">دناڤ پهرتووكێن سهركهڤتى و خهلاتكرییێن ئێكێ و دووێ یێن ئهڤسالهدا، زێدهبارى پهرتووكا سهرۆك بارزنى، ههر ئێك ژ پاپا فرانسیس پاپایێ ڤاتیكانێ كو پهرتووكهكا تایبهت ب بیرهاتنێن خۆ بهلاڤكرییه، دگهل پهرتووكا ژیاننامهیا سترانبێژ و پێشكێشكارا ناڤدارا ئهمریكى ڤێنیسیا ویلیهمس، دگهل پهرتووكا ژیاننامهیا ئهكتهرێ ناڤدارێ ئهمریكى بۆبۆ ئۆدینكێر ژى ههبوون.</span></h3>
