ئەلێکساندەر شاڵنبێرگ، وەزیرێ دەرڤە یێ نەمسا دبێژیت، ل گەل نێچیرڤان بارزانی، سەرۆكێ هەرێما كوردستانێ مه بەحسێ پێشڤەچوونێن ڕۆژهەلاتا ناڤین وهۆكارێن ئابووری كرن.
پشتی كۆمبوونا ئەڤرۆ سێشهمبی، شاڵنبێرگ د پۆستەكیدا ل تۆرا جڤاكییا ئێكس نڤێسییە” خۆشحالبووم ب پێشۆازیكرنا نێچیرڤان بارزانی،سەرۆكێ هەرێما كوردستانێ ل ڤیەننا پشتی سەرەدانا من بۆ هەلێرێ”.
دەربارەیی ناڤەرۆكا وێ كۆمبوونێ نڤێسییە، پێشهاتێن ڕۆژهەلاتا ناڤین، پرسا كۆچ و هاریكارییێن ئابووری هاتینه بهحسكرن.
نێچیرڤان بارزانی، سەرۆكێ هەرێما كوردستانێ دەربارەیی سەرەدانا خۆ دیاركر پەیوەندییەكا كەڤن مە ل گەل نەمسا هەیە، كۆمبوونەكا گەلەكا باش ل گەل وەزیرێ دەرڤە و سەرۆككۆماری هەبوو، بەحسێ بەرەڤ پێشڤەبرنا پەیوەندییان كرییه.
سەرۆكێ هەرێما كوردستانێ گۆت: وی داخواز كرییە كۆنسولخانا نەمسا ل ههرێمێ بهێتە ڤەكرن، تێگەهشتنەكا باش دناڤبەرا عیراقێ و نەمسا و هەرێما كوردستانێ هەیە و هیڤیدارین ئەڤ پەیوەندییە ژ هەمی لایان ڤە بەرەڤ پێشڤه بچن.
