سەرۆک بارزانی ل بەغدا دگەل باڵیۆزا ئەمەریکا ل عیراقێ کۆمبوو و گۆتوبێژ دەربارەی ئەنجامێ سەرەدانا سەرۆک بارزانی بۆ بەغدا و چارەسەرکرنا ئاریشەیێن دناڤبەرا هەولێر و بەغدا و بەرەڤ پێشڤەبرنا پەیوەندییان و بەردەوام و بهێزخستنا دیالۆگا دناڤبەرا هەردوو لایان دا کر.
پشتی نیڤرۆ یا ئەڤرۆ چارەشەمبی 3 تەموزا 2024، ل باژێرێ بەغدا، سەرۆک مەسعود بارزانی پێشوازی ل ئەلینا رۆمانۆوسکی، باڵیۆزا ئەمریکا ل عیراقێ کر.
بارەگایێ بارزانی بەلاڤکرییە، د دیدارێدا، سەرۆک بارزانی ڕۆناهی خستە سەر ئەگەرێن سەرەدانا خۆ بۆ بەغدا و ئاماژە کر کو پشتی کو هەستپێکری نیازپاکی بۆ چارەسەرکرنا ئاریشەیان و پێگیربوون ب دەستووری و دروستبوونا سەقایەکێ ئەرێنی ل بەغدا و هەروەسا بۆ باسکرنا ئەوان بابەتان یێن کو ڕەهەندێن نیشتینمانی هەین، سەرەدانا بەغدا کریە.
گرێدای ب مانەڤەیا هێزێن هەڤپەیماناڤە، سەرۆک بارزانی ڕاگەهاند کو ئەڤە پرسەکا نیشتیمانییە و یا گرێدای نینە ب لایەنەکیڤە و پێدڤییە سەقامگیری و بەرژەوەندییێن عیراقێ ل بەرچاڤ بهێنە وەرگرتن.
هەر د ئەوێ دیدارێ دا، باڵیۆزا ئەمریکا ل عیراقێ پشتەڤانییا وەلاتێ خۆ بۆ سەرەدانا سەرۆک بارزانی و باشتربوونا پەیوەندییێن هەرێم و بەغدا ڕاگەهاند و دووپاتکر دێ پشتەڤانییا حکومەتا هەرێما کوردستانێ و حکومەتا عیراقا فیدڕال کەن بۆ پێشڤەبرنا پەیوەندییێن خۆ و بەردەوامی و بهێزخستنا دیالۆگا دناڤبەرا وان دا.
دەربارەی هەلبژارتنێن هەرێمێ ژی، باڵیۆزا ئەمریکا پێشوازی ل دیارکرنا دەمێ ب ڕێڤەچوونا هەلبژارتنێن پەرلەمانێ کوردستانێ کر.
