ئەلینا ڕۆمانۆوسکی، بالیۆزا ئەمریکا ل عیراقێ ئەڤرۆ د گۆتارەكێدا ڕاگەهاند، پێدڤییە ڤەگەڕاندنا ئاوارە و پەنابەران ب حەز و ب سەربلندی بیت و ل ژێر چ فشارەكێ نەبیت، حکومەتا هەرێما کوردستانێ ژی زێدەتر ژ ئێك ملیۆن ئاوارە و پەنابەران بخۆڤە گرتییە، ئەمریکا هەروەك چەوا ڕێز ل مافێن مرۆڤی دگریت، ب هەمان شێوە ڕێز ل سەربلندییا پەنابەر و ئاوارەیان ژی دگریت.
بالیۆزا ئەمریکا ل عیراقێ دیاركر، ئەمریکا پشتەڤانییێ ل كۆمسیارا بلند یا کاروبارێن پەنابەران سەر ب ڕێکخراوا نەتەوێن ئێگرتی دکەت بۆ هندێ د ئاستێ جیهانێدا ب گشتی و عیراقێ ب تایبەتی، هاریكارییا ئاوارە و پەنابەران دکەت.
بالیۆزا ئەمریکا ڕاگەهاند ژی، پشتی سالا 2003ـێ ئەمریکا ب بهایێ زێدەتر ژ ئێك ملیار دۆلاران هاریكارییا پەنابەرێن ئاكنجییێن عیراقێ و ئاوارەیێن ناڤخۆ کر، ل سالا 2014ـێ پشتی هێرشا داعش ب بهایێ زێدەتر ژ 3.6 ملیار دۆلاران هاریكارییا ئاوارەیان کرییە، هەروەسا بەرهەنگاری چەندین ئاریشەیان بووینە د هاریكاریكرنا ئاوارەیان، بەلێ ل گەل حکومەتا هەرێما کوردستانێ و حکومەتا عیراق و ڕێکخراوێن نەتەوێن ئێكگرتی و ڕێکخراوێن دی یێن نیڤدەولەتی کارێ هەڤپشك کرییە.
