سەرۆکا دەستەیا گەشتوگوزارا هەرێما کوردستانێ ڕاگەهاند، وان ل گەل شاندێ گەشتوگوزارا عیراقێ بەحسێ چەندین ئاریشان كر كو ڕویبڕوی گەشتیاران دبن ب تایبەتی ئەو كۆمپانییێن بزاڤا سەردابرنا گەشتیاران دكەن.
ئەمەل جەلال، سەرۆکا دەستەیا گەشتوگوزارا هەرێمێ د کۆنگرەکێ ڕۆژنامەڤانی یێ هەڤپشك دا ل گەل شاندێ دەستەیا گەشتوگوزارا حکومەتا فیدراڵ گۆت: دوهی ئەم ل گەل شاندێ دەستەیا گەشتوگوزارا بەغدا کۆمبووین و چەندین دۆسە گوتوبێژكرن کو پەیوەستن ب ڕەوشا وان گەشتیارێن ژ پارێزگەهێن ناڤەڕاست و خواروویا عیراقێ دهێنە هەرێمێ.
ژلایەكێ دی ژی ڤە د. مەهدی غەزبان، ڕێڤەبەرێ فەرمانگەها بنكێن گەشتیاری ل گەشتوگوزارا عیراقێ ڕاگەهاند، بێ گومان هەرێما كوردستانێ هەمی خزمەتگوزارییان پێشكێشی گەشتیاران دكەت و شیایە سەربلندییا پڕۆسا گەشتیاری یا عیراقێ ب پارێزیت، ئەڤەژی جهێ سۆپاسییێ یە.
