نه‌وزاد شێخ كامل: 10  ملیار دینارێن دیتر یێن پارێ گەنمێ جۆتیارێن هەرێما کوردستانێ گەهشتن

ئاژانسا خانی:

 

رێڤەبەرێ گشتییێ بازرگانی ل وەزارەتا بازرگانی و پیشەسازییا هەرێما کوردستانێ دیار كر: چەکه‌كێ 10 ملیار دیناری یێ پارێ گەنمێ ئه‌ڤ شاله‌ یێ جۆتیارێن هەرێما کوردستانێ هاتییه‌ وه‌رگرتن و بزاڤێ دكه‌ین” ڤێ حه‌فتییێ ئه‌و پاره ل سه‌ رجۆتیاران‌ بهێنه‌ دابه‌شكرن و هه‌تا نوكه‌ حكومه‌تا عیراقێ 540 هزار ته‌نێن گه‌نمێ جۆتیارێن هه‌رێما كوردستانێ وه‌رگرتینه.

نەوزاد شێخ کامل، زێده‌تر بۆ ئاژانسا خانی دیار كر: حكومه‌تا عیراقێ چەکه‌كێ دیتر یێ پارێ گەنمێ جۆتیارێن هەرێما كوردستانێ هنارتییه‌” كو 10 ملیار دینارن و دێ هه‌موو بزاڤان كه‌ین” ڤێ حه‌فتییێ ئه‌و پاره‌ ل سه‌ر جۆتیاران بهێته‌ دابەشکرن” هه‌روه‌سا سه‌رجه‌مێ گشتییێ ئەوی پارێ هه‌تا نوكه‌ بۆ گەنمێ جۆتیارێن هەرێما کوردستانێ ئه‌ڤ ساله‌ هاتییه‌ هنارتن ژ لایێ به‌غداڤه‌ گه‌هشتییه‌ 70 ملیار دیناران و نوكه‌ دەست ب رێکارێن کارگێری ییێن وی پاره‌یی هاتییه‌ کرن” ژ وی پاره‌یی ژی سێ ملیار دینار بۆ جۆتیارێن پارێزگه‌ها هەولێرێ نه‌، پێنج ملیار دینار بۆ جۆتیارێن پارێزگه‌هێن سلێمانییێ و هەلەبجە و دو ملیار دینار ژی بۆ جۆتیارێن پارێزگه‌ها دهۆكێ نه‌.

ناڤهاتی گۆت ژی: وەرگرتنا گەنمێ ئه‌ڤ ساله‌ ل هەرێما کوردستانێ ل 6 ی هه‌یڤا بوری دەستیپێکرییە و بڕیارە 45 رۆژان ئه‌ڤ پرۆسه‌ یا بەردەوام بیت” ئەڤ ساله‌ لدووڤ رێککەڤتنا حكومه‌تا هه‌رێما كوردستانێ و عیراقێ، حکومەتا عێراقێ 700 هزار ته‌نێن گەنمێ جۆتیارێن هەرێما کوردستانێ دێ وەرگرێت و بۆ هەر ته‌نه‌كێ ژی 850 هزار دینار هاتینه‌ دیار كرن” ل پارێزگه‌هێن سلێمانییێ و هەلەبجە 282 هزار و 660 ته‌ن و ل پارێزگه‌ها هەولێرێ 228 هەزار ته‌ن و ل پارێزگه‌ها دهۆکێ ژی 189 هەزار ته‌نێن گه‌نمی دێ هێنه‌ وه‌رگرتن و هه‌تا نوكه‌ حكومه‌تا عیراقێ 540 هزار ته‌نێن گه‌نمێ جۆتیارێن هه‌رێما كوردستانێ وه‌رگرتینه.‌