هژمارا کوردان ل مووسلێ کێمبوویە

ل ناڤا ئێك ژ تاخێن کوردان ل باژێرێ مووسلێ، هه‌كه‌ به‌رێ خۆ بده‌یه‌ دیواران، پرانییا وان خانییان ل سه‌ر نڤیسایه‌ ئه‌ڤ خانییه‌ بۆ فرۆشتنێیە.

ل ناڤا تاخه‌كێ مووسلێ لدووڤ ئامارێن نه‌فەرمی؛ به‌ری سالا 2014 ێ و هاتنا دا*عشێ بۆ وی باژێری، پتر ژ 95% ێ یا خه‌لكێ وان تاخان کورد بوون، بەلێ نوكه‌ ئه‌و رێژه‌ كێمتره‌ ژ 5% ێ.

کوردێن باژیرێ مووسلێ پشكه‌كا مال و مولكێ خۆ بجههێلایه‌ و هنده‌ك ژی فرۆشتینه‌.

کەبیر عەبدولعەزیز، کورده‌كێ مووسلێ یه‌ دبێژیت: “پێش سالا 2014 ێ”  ده‌ڤه‌را مه هەموو کورد بوون، دبیت بتنێ سێ مالێن عەرەبا هەبن، بەلێ نوكه‌ هه‌كه‌ ل ڤی تاخی بگه‌ری، دبیت دو هه‌تا سێ مالێن کوردان هەبن، هەموویان مالێن خۆ فرۆشتینە و هاتینه‌ هه‌رێما کوردستانێ.