وەزارەتا بازرگانی و پیشەسازییا هەرێما کوردستانێ دبێژیت، هه‌تا ئەڤڕۆ 74 ملیار و 500 ملیۆن دینارێن پارێن گەنمی ژ عێراقێ گەهشتییە هەرێما کوردستانێ بۆ جۆتیاران.
ئه‌ڤرۆ دوشەمبی، 21-07-2024 ێ، وەزارەتا بازرگانی و پیشەسازییا هەرێما کوردستانێ راگەهاند، پشتی 45 رۆژان ژ وەرگرتنا گەنمی، دووماهی ب وێ پڕۆسێ هاتییە و 685 هزار و 974 ته‌ن و 940 کیلۆ گەنمی هاتینه وەرگرتن.
هه‌روه‌سا گۆتییه، بڕیاربوو 700 هزار ته‌نێن گەنمێ جۆتیارێن هەرێما کوردستانێ بهێته وەرگرتن، بەلێ ژ ئه‌گه‌رێ هندێ كو لدووڤ ئەوان مەرجان نەبوون یێن كو وەزارەتت بازرگانییا حکومەتا فیدڕالی داناین، 14 هزار و 25 ته‌نێن گەنمی هاتنه رەتکرن.
لدووڤ وەزارەتا بازرگانییا هەرێما کوردستانێ، سه‌رجه‌مێ گشتییێ پارێ شایستەیێن جۆتیاران بۆ گەنمێ ئەڤ ساله نێزیکی 590 ملیار دینارن بوویە، بەلێ هه‌تا ئەڤڕۆ 74 ملیار و 500 ملیۆن دینار هاتینه هنارتن و ب سەر جۆتیاراندا هاتینه دابەشکرن؛ نێزیکی 515 ملیار دینار ماینە.
رێژا پارێ هاتییه دابەشكرن لدووڤ پارێزگه‌هان:
. سلێمانی و هەلەبجە: 28 ملیار دینار
. هەولێر: 17 ملیار دینار
. دهۆک: 29 ملیار و 500 ملیۆن دینار
