ئاژانسا خانی:
ئەندامه‌كێ لژنا نەفت و غازێ ل پەرلەمانێ عێراقێ دیار كر: كۆمبوونه‌ك دناڤبه‌را وهزارهتا نه‌فتا عیراقێ و كۆمپانییێن نه‌فتێ یێن كو ل هه‌رێما كار دكه‌ن هاتینه كرن” د وێ كۆمبوونێ دا هنده‌ك بریار هاتینه‌دان و گرنگترین بریار ئه‌و بوو” كو ده‌ستكاری د هه‌ڤبه‌ستێن نه‌فتێ دا بهێنه كرن یێن وان كۆمپانییێن ل هه‌رێما كوردستانێ كار دكه‌ن” داكو هه‌ڤبه‌ستێن وان كۆمپانییان وه‌كو یێن حكومه‌تا فیدرالی لێ بهێن” كۆمپانییێن نه‌فتێ ژی ل سه‌ر ڤی بابه‌تی رازی بووینه” د هه‌مان ده‌مدا ئه‌و كۆمپانییێن نه‌فتێ یێن كو ل هه‌رێمێ كار دكه‌ن” داخواز دكه‌ن كو لایه‌نێ سێیێ دناڤا ڤی بابه‌تی دا هه‌بیت” ژ پێخه‌مه‌ت ئه‌و وان هه‌ڤبه‌ستان بده‌نه‌ف وان” داكو مافێ وان بهێته پاراستن و ب ڤی ره‌نگی دێ ئاریشه هه‌ڤبه‌ستێن كۆمپانییێن نه‌فتێ هێته چاره‌سه‌ر كرن”
د. سه‌باح سوبحی” زێده‌تر بۆ ئاژانسا خانی دیار كر: بابه‌تێ تێچوویێ نه‌فتێ ل هه‌رێما كوردستانێ” ژ لایێ وهزارهتا نه‌فتا عیراقێ هاتییه دیار كرن” كو ده‌رخستنا هه‌ر به‌رمیله‌كێ نه‌فتێ دناڤبه‌را ( 8 بۆ 9) هزار دیناران هاتییه دیار كرن” به‌لێ كۆمپانیێن نه‌فتێ ل هه‌رێمێ داخوازا 20 دۆلاران بۆ ده‌رخستنا هه‌ر به‌میله‌كێ نه‌فتێ دكه‌ن ل گه‌ل 6 دۆلاران بۆ ڤه‌گوهاستنا هه‌ر به‌رمیله‌كێ نه‌فتا هه‌رێما كوردستانێ” وهزارهتا نه‌فتا عیراقێ گۆتییه” دڤێت كۆمپانی بهێنه قه‌ره‌بۆكرن” چونكی ئه‌و پاره یێ وه‌كو ئێكه ل هه‌موو عیراقێ” ل گه‌ل هندێ ژی هه‌ر سێ هه‌یڤان جاره‌كێ كۆمپانییێن نه‌فتێ ل گه‌ل وهزارهتا نه‌فت و غازا عیراقێ كۆم دبن” داكو بشێن وێ عه‌جزێ پر بكه‌ن” هه‌روه‌سا ئه‌م هه‌موو بزاڤان دكه‌ین كو ئه‌ڤ ساله نه‌فتا هه‌رێمێ بۆ ده‌رڤه بهێته هنارتن و ل گه‌ل هندێ ژی حه‌فتییا بهێت وهزارهتا سامانێن سروشتی یا هه‌رێما كوردستانێ دێ ل گه‌ل وهزارهتا نه‌فتا عیراقێ كۆمبیت و ئه‌و ئاریشێن هه‌ین دێ هێنه به‌حسكرن داكو چاره‌سه‌ری بۆ بهێته دیتن.
