حكومەتا فیدرالییا عێراقێ ب نڤیسارهكا فەرمی، داخوازێ ژ ههموو فهرمانگههێن دەوڵەتا عێراقێ دكهت، كو پارتا كرێكارێن كوردستانێ (پە*كە*كێ) وەكو پارتهكا قەدەغەكری ناڤێ وێ بینن.
لدووڤ نڤیسارهكێ كو د. فەلاح عەبوودی، رێڤەبەرێ گشتییێ فەرمانگەها كاروبارێن كارگێڕی ل ئەمیندارییا گشتییا جڤاتا نوونەرێن عێراقێ، كو ئهو نڤیساره ئاراستەیی ژمارەكا فەرمانگەهێن سەر ب جڤاتا نونەران كرییە، ئاماژە ب نڤیسارا ژمارە (25401) یا ئەمیندارییا گشتییا جڤاتا وەزیرێن عێراقێ كرییە.
د وێ نڤیسارێ دا هاتییه” كو ل سەر راسپاردا محەمەد شیاع سوودانی، سەرۆكوەزیرێن عێراقێ و فەرماندێ گشتییێ هێزێن چەكدارێن عێراقێ، ژ ئهڤرۆ وێڤه ل ههموو گوتار و نڤیسارێن فەرمیدا ناڤێ پارتا كرێكارێن كوردستانێ ب (پارتا كرێكارێن كوردستانێ – یا قەدەغەكری) بهێته نڤێسین.
