ل ڕۆژه‌كا وەکو ئەڤڕۆ دا و 101 سالان به‌ری نوكه، وه‌لاتێن زلهێزێن جیهانی، پەیمانا لۆزان ئیمزا کر و کوردستان دابەش کر.
نوونەرێن تورکیا، بریتانیا، فرەنسا، ئیتاڵیا، ژاپۆن، یۆنان، ڕۆمانیا، بولگاریا، پورتوگال، بەلجیکا و یوگۆسلاڤیا ئامادەیی ڕێوڕەسمێن ئیمزاکرنا وێ پەیمانێ بوون کو ل 24 ی تەمووزا سالا 1923 ێ، ل باژێرێ لۆزان برێڤه چوو.
دانوستاندن ل 20 ی چریا دووێ یا 1922 ێ دەستپێکرن و ژ ئه‌گه‌رێ بابه‌تێ ڕێکنەکەڤتنێ ل سەر دابەشکرنا ته‌نگاڤان، مووسل- کەرکووک و قەرێن ل سه‌رئێك یێن ل سەر دەوله‌تا عوسمانی چەندین جاران هاتبوو پاشخستن.
لدووڤ وێ پەیمانێ سنوورێ باکوور و باشوورێ کوردستانێ د وێ کۆمبوونێ دا دناڤبه‌را ئینگلیزان و بەرپرسێن پەرلەمانێ وی ده‌می یێ تورکیا برێڤه‌چوو، هاته دیار کرن.
د پێشەکییا پەیمانا لۆزان دا كو ژ 143 مادان پێکهاتبوو، پرەنسیپێن ڕێزگرتنێ ل سەربەخۆیی و سەروەرییا وه‌لاتان هاتییه به‌حسکرن.
نوونه‌رێن کوردان د وی کۆنگرەیی دا ئامادە نەببوون، وی ده‌می خەڵکێ کوردستانێ نه‌شییابوون ل ژێر سێهوانه‌كا ئێکگرتی دا کۆمببن و داخوازییێن خۆ ببەنە سەر مێزا دانوستاندنان و ب دەستێ خۆ چارەنڤیسێ خۆ دیار بکەن؛ له‌وا بێی گوهداریكرنا حه‌زێن کوردستانییان ل رۆژا (24 تەمووزا سالا 1923)ێ دا پەیمانا (لۆزان) هاته ئیمزا كرن.
