ئیفان فائیق جابرۆ، وەزیرا کۆچ و کۆچبەرێن عیراقێ پێشوازی ل فارس عیسا، سەرۆکێ نوونهراتییا حکومەتا هەرێما کوردستانێ ل بەغدا کر.
د دیدارێدا، ڕەوشا ئاواران و کەمپێن هەرێما کوردستانێ و ئەو خزمەتگوزارییێن کو ژ لایێ حکومەتا هەرێمێ ڤه پێشکێشى کۆچبەران هاتینه كرن، بەرنامەیێ حكومەتا عیراقێ و پێدڤی، هاریكاری و هەماهەنگییا دناڤبەرا هەردوو حكومەتێن عیراقلا و هەرێمێ گۆتۆبێژ كرن.
فارس عیسا سوپاسییا پشتەڤانییا وەزارەتا کۆچ و کۆچبەران بۆ ئاوارێن هەرێما کوردستانێ کر و ئامادەییا حکومەتا هەرێمێ دیاركر بۆ بەردەوامییا هاریكاری و هەماهەنگییێ دناڤبەرا هەردوولا بۆ خزمەتکرنا ئەڤی بابەتێ مرۆڤی.
وەزیرا کۆچ و کۆچبەرێن عیراقێ، سوپاسییا ڕۆل و بزاڤێن حکومەتا هەرێما کوردستانێ کر د پشتەڤانیكرنا بزاڤێن وەزارەتێ د پێشكێشكرنا خزمەتگوزارى و هاریكارییان بۆ ئاوارەیان.
