مه‌ترسى هه‌یه‌ بهایێ دۆلارى بۆ ئاسته‌كێ نه‌چاڤه‌رێكرى بلند بیت

زیاد هاشمى شاره‌زایێ ئابوورى ڕاگه‌هاند، بانكا فیدرالییا ئه‌مریكا دێ ستراتیجییه‌ته‌كا نوو به‌رامبه‌ر بانكا ناڤه‌ندییا عیراقێ بكارئینیت، مه‌ترسى هه‌یه‌ بهایێ دۆلارى بۆ ئاسته‌كێ نه‌چاڤه‌رێكرى بلند بیت، ئه‌مریكا دێ سێ ته‌وه‌ران به‌رامبه‌ر بانكا ناڤه‌ندییا عیراقێ گریته‌ به‌ر ئه‌وژى:

ته‌وه‌رێ ئێكێ: دڕێژكرنا ده‌مێ سزادانا وان بانكان یێن دلیستا سزایێن ئه‌مریكا دا، بازاركرن ب دۆلارى ل وان بانكان دێ  بۆ ده‌مه‌كێ نه‌دیار هێته‌ قه‌ده‌غه‌كرن.

ته‌وه‌رێ دووێ: داخستنا وان بانكان یێن هه‌تا نوكه‌ ڕینمایێن تایبه‌ت ب سپیكرنا پاره‌ى و ب قاچاغبرنا دۆلارى بنپێ دكه‌ن، پشته‌ڤانییا وان وه‌لاتان دكه‌ن، یێن ژلایێ ئه‌مریكاڤه‌ هاتینه‌ سزادان.

ته‌وه‌رێ سێیێ: بانكا فیدرالییا ئه‌مریكا دێ كار ل سه‌ر ڕیگرتنێ ژ ده‌ستێوه‌ردانا حكومه‌تا عیراقێ د كه‌یسا دۆلاریدا كه‌ت، دڤێت ئه‌ڤ كه‌یسه‌ ب تنێ د ده‌ستێن بانكا ناڤه‌ندییا عیراقێدا بیت، ژبه‌ركو لایه‌نێن سیاسى مایتێكرنێ تێدا دكه‌ن.