لقا سێ یا پارتی ل كه‌ركووكێ ڕاگەهاندنه‌ك به‌لاڤكر و ئه‌ڤه ژی
ده‌قێ ڕاگەهاندنا لقا سێ یا پارتی دیموکراتی کوردستانه:
بناڤێ خودایێ مه‌زن و میهرەبان
ل سپێده‌هییا ئەڤڕۆ ده‌مژمێر ١،٥٠ دەقیقە، د هێرشه‌كا ترسنۆکانە دا بارەگایێ لقا ٣ ێ یا پارتییا مه كرییه ئارمانج، بەلێ ئاگه‌هی و هشیارییا پاسەوانێن بارەگایێ لقێ ئەو بزاڤه پووچکرییە.
دیارە مەره‌ما سەرەکییا وێ هێرشێ ب ئارمانجگرتنا خاله‌كا بارەگایێ لقا مه بوو، یەکەمجار تەقە لێ هاتییه كرن و مەره‌ما ئەو بوویە پاشی بهێنە ناڤا لقێ و کریارێن تیرۆریستی بکەن” ل دو جهێن جۆدا ب نیشانشكێنێ و دەستڕێژییێ، تەقە ل بارەگایێ مه كرییه و بەلێ پاسەوانێن بارەگایێ لقێ به‌رسڤا وان دایه”.
وێ ڕوودانێ چ زیانێن گیانی نەبوون، بەلێ پێشهاته‌كا خرابە و پێدڤییە لێکۆڵینه‌كا هوور د وێ بابەتی دا بهێته كرن، لقا سێ یا پارتییا مه، ل سەر سیاسەتا خۆیا پێکڤەژیانێ و تەڤاییا دناڤبه‌را هه‌موو پێکهاتتن دا یا بەردەوامە، هەموو جۆرە بزاڤێن ب ڤی ره‌نگی ژ بلی شكه‌ستنا نەیاران و پووچكرنا پیلانێن وان، چ دەرئەنجامێن دیتر نابن.
