نوونەرێ حکومەتا ھەرێما کوردستانێ ل فرەنسا دیار كر: داخوازكرنا سەرۆکێ ھەرێما کوردستانێ ب ره‌نگه‌كێ فەرمی، ژ لایێ سەرۆکی فره‌نسا ڤه” گه‌له‌ك گرنگییا خۆ بۆ ھەرێما کوردستانێ ھەیە و نیشانا هندێیە، كو ھەرێما کوردستانێ جهێ گرنگیدانێ یه بۆ وه‌لاتێ فرەنسا.
عەلی دۆلەمەری، زێده‌تر گۆت: سەره‌دانا سەرۆکا ھەرێما کوردستانێ بۆ فرەنسا و داخوازكرنا وی ب ره‌نگه‌كێ فەرمی، ژ لایێ سەرۆکێ فرەنسا بۆ ڤه‌کرنا مەراسیمێن ئۆلۆمپیادا 2024 ێ ل پاریس کو چەندین سەرکردە و سەرۆکوەزیر و خەلکێ گرنگ هاتبوو داخوازکرن، گرنگییه‌كا مه‌زن ھەیە” هه‌روه‌سا ده‌مێ وێ سەره‌دانێ ژی زۆرێ گرنگە، نوكه ھەرێما کوردستانێ و بەغدا د دانوستاندنێن بەردەوام دانه بۆ هندێ ئه‌و کێشێن دناڤبه‌را وان دا هه‌ین چاره‌سه‌ر بکەن، له‌وا ئەڤە پشته‌ڤانییا وه‌لاتێ فرەنسا یە بۆ ھەرێما کوردستانێ، ژبەر هندێ ئەو پێشوازییا گەرما سەرۆکێ فرەنسا ل سەرۆکێ ھەرێما کوردستانێ كری، وێ چه‌ندێ دیار دكه‌ت كو فرەنسا ھەرده‌م پشته‌ڤانییێ ل ھەرێما کوردستانێ دكه‌ت.
