پارتى وه‌ك یا پێدڤییەكا دیرۆكى هاته دامه‌زراندن، بۆ ڕزگاركرنا گه‌لێ كوردستانێ و زڤراندنا هیڤیا بۆ ملله‌تێ كوردستانێ.
ب دامه‌زراندنا پارتى گه‌لێ مه كه‌فته سه‌ر ڕێیا راست و دروستا خه‌باتێ و ستراتیژیه‌تا وێ سه‌رخۆبوون و ڕزگارییا ئێكجارییه.
پارتى ژ چ حزبا جودا نه‌بوویه و بۆ دژایه‌تییا چ حزب و لایه‌نه‌كێ سیاسى دروست نه‌بوویه، له‌ورا ژدایكبوونا وێ گه‌له‌كا سروشتى بوویه و ئارمانجێن وێ ژى گه‌له‌ك د خویا و ئاشكه‌رانه.
دڤێرێ دا و د ئەڤێ هه‌لكه‌فتێ دا وژدانا گه‌لێ خۆ دكه‌ینه دادوه‌ر، ده‌ستكه‌فت و سه‌روه‌ریێن مه ل سه‌ر ده‌ستێ كێ هاتینه بده‌ستڤه‌ئینان.
پارتى د ئەڤان 78 سالاندا شیا ئوتونومى و فیدرالیه‌ت و ڕیفراندوما سه‌ربه‌خۆیا كوردستانێ مسوگه‌ر بكه‌ت و ئارامی و ئاڤه‌دانیێ و خوشگوزه‌رانییێ بۆ ملله‌تێ كوردستانێ دابین بكه‌ت.
پارتى دیبلوماسیه‌ت و سیاسه‌تا خویا راست و دروست شیا دۆزا گه‌لێ كوردستانێ بگه‌هینته هه‌مى دنیایێ و ئالایێ كوردستانێ دناڤ ئالایێن جیهانێ دا بهێته دیتن و ڕێز لێ بێته گرتن.
دامه‌زرێنه‌رێ پارتى، بارزانیێ نه‌مر بوو هێمایێ ئازادیێ و رزگاریێ و پێناسا كورد و كوردستانێ و ئه‌م په‌روه‌رده‌كرین كو ل ڤێ رێبازا پیرۆز دا خۆ بده‌ستڤه‌دان ئانكو (ته‌سلیم بوون) و خۆچه‌ماندن بۆ دوژمن و داگیركه‌را تێدا نینه و ناهێته دیتن.
د ژیانا پارتى دا سه‌ركه‌فتن و شكه‌ستن هه‌بووینه و چ جارا ل سه‌ركه‌فتنا مه‌غرور نه‌بوویه و ل شكه‌ستنا نائومێد نه‌بوویه، به‌لگه‌ژى پیلانا خیانه‌تكاریا جه‌زائیرێ ل سالا 1975ـێ پارتى وه‌كو چیایه‌كێ خۆ‌رست به‌رامبه‌ر وێ پیلانا مه‌زن راوه‌ستا و ب شۆرەشا گولانێ به‌رسڤا دوژمنى داڤه.
جه‌نابێ سه‌رۆك بارزانى ل ڤان هه‌مى سالێن بووری دا شیا كوردستانێ ژ هه‌مى پیلانا ب پارێزیت و سه‌ركێشیا پروسا ریفراندومێ كر و سه‌رپه‌رشتییا شه‌رێ مه‌زنترین رێكخراوا تیرۆرستیا داعش بكه‌ت و هه‌یمه‌نه و سه‌هما داعشێ بشكێنیت و كوردستانێ ب هه‌مى پێكهاتێن نه‌ته‌وه‌یى و ئایین و مه‌زهه‌ب ڤه ب پارێزیت.
78 سالییا دامه‌زراندنا پارتى نێزیكی هه‌لبژارتنێن خولا شه‌شێ یا په‌رله‌مانێ كوردستانێ یە، له‌ورا پارتى یا به‌رنامه و پلانه‌كا رێك و پێك و ل سه‌ر شه‌نگستێ داخازییێن خه‌لكێ خۆ به‌رهه‌ڤ كریه و پر باوه‌رین ل جه‌ماوه‌رێ خۆ دێ وێ پارتێ هه‌لبژێریت كو چ جارا مساوه‌مێ لسه‌ر مافێن وى ناكه‌ت و ده‌ستا ل ئاخا كوردستانێ به‌رناده‌ت و دێ لیستا 190 لیستا شه‌هیدا، لیستا به‌رخودان و فیداكاریێ و ده‌ستكه‌فتا دێ هه‌لبژێریت.
د ئەڤێ بیرهاتنێ دا سلاڤ ل دامه‌زرێنه‌رێ پارتى بارزانییێ نه‌مر و شه‌هیدێ هه‌رده‌م ساخ ئیدریسێ جوانه مه‌رگ.
پیرۆزباهییێ ل جه‌نابێ سه‌رۆك بارزانى دكه‌ین كو ل ئەڤێ ڕۆژێ دا ل باژێرێ مهابادێ و لبن سیبه‌را ئالایێ كوردستانێ هاتیه دنیایێ و ئه‌و ئالا ب ئه‌مانه‌ت پاراستییه و هه‌رده‌م دبێژیت ئه‌زێ ئاماده‌مه بۆ ئەڤى ئالاى خۆ گورى بكه‌م، ته‌مه‌ن درێژى بۆ جه‌نابێ سه‌رۆك بارزانى و گه‌هاندنا ملله‌تێ مه ب كه‌نارێ سه‌رفه‌رازیا ئێكجارى.
سلاڤ ل گیانێ پاقژێ ته‌ڤایا شه‌هیدێت كورد و كوردستانێ.
سلاڤ ل خۆراگریا پێشمه‌رگێت قه‌هره‌مان پارێزڤانێت ملله‌تى و وه‌لاتى.
سلاڤ ل هه‌مى كورد په‌روه‌ر و نیشتمان په‌روه‌ره‌كى و هه‌مى كادر و ئه‌ندام و دلسوز و لایه‌نگر و وه‌فادارێن پارتى.
