ئەڤرۆ 20-08-2024ـێ، نێچيرڤان بارزانى، سهرۆكێ ههرێما كوردستانێ د ديدارەكێدا ل گهل ئهندرۆ بيزلى، كونسۆلێ گشتيیێ نوو یێ بريتانيا ل ههرێما كوردستانێ كۆمبوو، سهرۆكێ ههرێمێ هيڤییا سهركەفتنێ بۆ خواست و ههمی پشتەڤانییەك بۆ سهرئێخستنا وی د كارێ نوو دا نيشاندا.
كونسۆلێ گشتيیێ بريتانيا كەیفخۆشییا خۆ ب دهستبكاربوونێ وهك كونسۆل ل ههرێما كوردستانێ دیاركر و پشتەڤانی و خواستا بريتانيا بۆ پێشڤەبرن ب پهيوهندييان و بەرفرەهكرنا هاريكاريیا هەڤپشك ل گهل ههرێما كوردستانێ د ههمی بواراندا دووپات كر.
د تەوەرەكێ دی یێ دیدارێدا، ههردوولایان ئهنجامدانا هەلبژارتنێن پهرلهمانێ كوردستانێ ب گرنگ ل قهلهم دا و هیڤی خواست پرۆسهیا دهنگدانێ ب سەركەفتی بهێتە ئەنجامدان، ههروهسا دهربارهى پهيوهندييێن ههولێر و بهغدا و دووماهی پێشهاتێن دەڤەرێ دانوستاندن هاتە كرن.
