رێڤه‌به‌رێ وه‌به‌رهێنانا دهۆكێ دیار كر: بڕیارێن سه‌رۆكوه‌زیران مه‌سرور بارزانی” بۆ لێخۆشبوون و داشكاندنا باج و ڕسوماتان د بیاڤێن جودا دا و ب تایبه‌تی د بیاڤێن ئاكنجیبوونێ و خانووبه‌ران دا، لڤیێن ئێخستییه بازاری.
د. هه‌ڤال سدیق، زێده‌تر دبێژیت: بڕیارێن سه‌رۆكوه‌زیران ده‌رباره‌یی باجێ و كێمكرن و داشكاندنان، كاریگه‌رییه‌كا ئه‌رێنی له سه‌ر ڕه‌وشا بازاری و كه‌رتێ بازرگانی ب تایبه‌تی خانووبه‌ران و وه‌به‌رهێنانێ ل پاریزگه‌ها دهۆكێ و ده‌ڤه‌رێن دیتر كرییه” هه‌روه‌سا هه‌موو پرۆژه و به‌رنامێن سه‌رۆكوه‌زیران مه‌سرور بارزانی و حكومه‌تا هه‌رێما كوردستانێ بۆ هندێنه كو قه‌یرانا ئاكنجیبوونێ ل كه‌رتێ خانووبه‌ران دا ب تایبه‌تی ل دهۆكێ كێم بكه‌ت و دووماهییێ ب وێ قه‌یرانێ بینن.
ناڤهاتی گۆت ژی: ل چه‌ند سالێن بوری چه‌ندین مۆڵه‌ت داینه پرۆژێن ئاكنجیكرنێ، ئه‌ڤێ ژی وه‌كرییه گه‌له‌ك خه‌لك ببنه خودانێن جهێن ئاكنجیبوونێ” هه‌روه‌ساب رێیا لژنه‌كا تایبه‌تمه‌ند شیاینه ب هزاران یه‌كه‌یێن ئاكنجیبوون ل دهۆكێ تاپۆ بكه‌ن كو پێشتر كێشه تێدا هه‌بوویه.
