کۆمیسیۆنا بلندا هەلبژارتنێن عێراقێ هژمارا به‌ربژارێن هەلبژارتنێن پەرلەمانێ کوردستانێ ئاشکرا کرن و گۆت: سه‌رجه‌مێ گشتییێ به‌ربژاران هزار و 191 کەسن.
ئه‌ڤرۆ چارشەمبی 2 ی چریا دووێ 2024 ێ” کۆمیسیۆنا بلندا سەربەخۆیا هەڵبژارتنێن عێراقێ ڕاگەهاند، هژمارا به‌ربژاران ژ هەردو ڕەگەزان، بۆ هەڵبژارتنێن خولا شەشێ یا پەرلەمانێ کوردستانێ، سه‌رجه‌مێ گشتی هزار و 191 به‌ربژارن، ژ وێ هژمارێ ژی 823 کەس زه‌لامن و 368 ژنن.
سه‌رجه‌مێ گشتییێ به‌ربژارێن پارێزگه‌ها هەولێرێ:395 کەسن و ژ وێ هژمارێ ژی 277 زه‌لامن و 118 ژنن.
پارێزگه‌ها سلێمانی: 516 به‌ربژار، 356 زه‌لام و 162 ژن
پارێزگه‌ها دهۆکێ: 226 به‌ربژار ، 160 زه‌لام و 66 ژن.
پارێزگه‌ها هەلەبجە: 54 به‌ربژار، 32 زه‌لام و 22 ژن.
