<h3 style="text-align: justify;"><span style="font-size: 18pt;">دكتور: سهردار ئهترووشى</span> <span style="font-size: 18pt;">شهرێ ئیرانێ و ئیسرائیلێ دچیته د چارچووڤێ ههڤركییا دهستههلاتا دناڤبهرا دوو لایهناندا ل ڕۆژههلاتا ناڤین، تایبهت ههر ژ سهركهڤتنا شۆرهشا ئیسلامى ل ئیرانێ ب سهركردایهتییا خومهینى، هێرشا ئیسرائیلێ بۆ سهر بهیروتێ ل سالا 1982، شهرێ سالا 2006ێ، ل سالا 2024ێ ئیسرائیلێ پلانێن خۆ بۆ كوشتنا سهركردهیێن حزبولا و ژ ههموویان گرنگتر سهرۆكێ حزبێ ( حهسهن نهسرول ) گۆهارتن، كو ئهڤ حزبه و سهرۆكێن وان گرنگترین لایهنگرێن ئیرانێنه ل دهڤهرێ ب دژى ئیسرائیلێ، ژلایهكێ دیڤه ئیسرائیل بزاڤێ دكهت، ژێرخانهیا حزبولا یا ئهمنى و سهربازى ژناڤببهت، ژ سنوورێ ئیسرائیلێ ههتا دگههیته رووبارێ لیتانى دووربێخیت، خهلكێ باكوورێ ئیسرائیلێ ڤهگهرینته جهێ وێ.</span> <span style="font-size: 18pt;">ئیرانێ ڕاگههاند، بۆ تۆلڤهكرنا كوشتنا حهسهن نهسرولا و ئیسماعیل ههنییهى و بهرسڤدانا هێرشێن ئیسرائیلێ بۆ سهر حزبولا ل 1/10/2024ێ، هێرشكره سهر ئیسرائیلێ ب ڕێیا ئاراستهكرنا پتر ژ 200 مووشهكان، ئارمانجا ئیرانێ ژ ڤێ هێرشێ هنارتنا چهند نامهیان بوو ژ وانژى، بۆ لایهنگرێن خۆ ل بهرهیێ مقاومه ل عیراقێ، سووریا، یهمهن و لبنانێ دیاركر، ئیران دێ ل سهر پشتهڤانیكرنا وان یا بهردهوامبیت، ژبهر گرنگییا وان بۆ ئیرانێ دڤى شهریدا، ب كارئینان ڤان گرۆپان وهكو كارتهكێیه بۆ دانوستاندنان دگهل ئهمریكا و وهلاتێن ڕۆژئاڤا سهبارهت بهرنامهیێ وێ یێ ئهتومى و ڕاكرنا دوورپێچا ئابوورى، ههروهسا نامهیهكه كو ئیران دهولهتهكا بهێزه و شیانێن بهرگریكرنێ و بهرسڤدانێ ههنه.</span> <span style="font-size: 18pt;">كارتێكرنا ڤى شهرى تایبهت ل سهر عیراقێ..</span> <span style="font-size: 18pt;">بهرفرههبوونا ڤى شهرى د ئارادایه ئهگهر گرۆپێن چهكدارێن عیراقێ هێرشێن خۆ بۆ سهر ئیسرائیلێ بهردهوامكرن، تایبهت كو گرۆپێن چهكدارێن عیراقێ یێن سهر ب ئیرانێڤه ل دهڤهرا ( جرف الصخر ) ل باكوورێ پارێزگهها بابل ڕاگههاندن، ئهو پشكدارى ڤێ هێرشا ئیرانێ بۆ سهر ئیسرائیلێ ببوون، دبیت ئیسرائیل هێرشى ژێرخانهیا عیراقێ یا بوورى وهكو بهندهرێ بهسره، كێلگههێن پهترۆلێ، پرۆژهیێن كارهبێ و ئاڤێ، ڕێ و پران و فرۆكهخانهیان بكهت و عیراقێ شیانێن ڤى شهرى نینن.</span> <span style="font-size: 18pt;">سهبارهت ههرێما كوردستانێ..</span> <span style="font-size: 18pt;">ههرێما كوردستانێ نابیته لایهن دڤى شهریدا، ل دووڤ گهلهك ژێدهران ژ ڤى شهرى یا دووره، ژبهركو ههلویستێ ههرێما كوردستانێ ئهوه كو پشتهڤانییا ڕێیێن ئاشتییانه بۆ دانوستاندنان و چارهسهركرنا ئاریشهیێن دهڤهرێ دكهت، ژلایهكێ دیڤه ههرێم دێ ژلایێ ئهمریكاڤه یا پاراستى بیت، سهربارى ههلویستێ گهلهك وهلاتێن ئورۆپى بۆ پشتهڤانییا ههرێمێ ژبهر گرنگییا ههرێما كوردستانێ وهكو دهڤهرهكا ئارام و بنگهههكێ سهرهكییه بۆ ئهمریكا ل دهڤهرێ پشتى ئهمریكا هێزێن خۆ ژ عیراقێ ڤهدكێشیت ل سالا 2025ێ.</span> <span style="font-size: 18pt;">ههلویستێ ئهمریكا دڤێ قووناغێدا..</span> <span style="font-size: 18pt;">ل دووڤ ههلویستێ ئهمریكا ئهڤ شهره بهرفرههـ نابیت و دێ یێ سنووردار بیت، تایبهت داكو ههلبژارتنێن ئهمریكا دڤێ سالێدا كارتێكرنێ ل سهر پارتا دیموكرات نهكهت، ژلایهكێ دیڤه ئهمریكا دڤى شهریدا ب تایبهتى ژلایێ چهكى و لۆجستیڤه پشتهڤانییا خۆ بۆ ئیسرائیلێ دووپات دكهت، ههروهسا ئهمریكا بزاڤێ بۆ دروستكرنا بهرهیهكێ سیاسى دكهت، كو ژ وهلاتێن دهڤهرێ و ئورۆپى ب سهركردایهتییا ئهمریكا پێك دهێت، ئارمانج ژێ دوورخستنا كارتێكرنا ئیرانێیه ل ڕۆژههلاتا ناڤین، و ڕێگریكرنێ ژ دهستێوهردانا ئیرانێ دكاروبارێن وهلاتێن دهڤهرێدا.</span></h3>
