ناتوانن، بۆچی ناتوانن؟
کاوار نێروەیی
“ناتوانن” – ئەڤ پەیڤە لسەر زمانێ جەنابێ “مەسرور بارزانی” دا، دەنگڤەدانا هەزاران سالێن خوڕاگرتنێیە. وەکی گرگانەکا هلچووی، هێز و شیانێن نەتەوەیەکا زیندی و نەمرە…
“ناتوانن” مە بشکێنن! چونکی ئەم کوڕ و کچێن شۆڕەشێی نە، ئەم زاڕۆکێن چیاو دول و نهالێن وەلاتێ ئاگر و رۆژێی نە. ئەڤ پەیڤە، سنۆرەکێ کونکرێتی و پۆلاینی یە، پەرجانێ ماف و ئازادیێن گەلێ کوردستانێ یە.
ژ لایێ ئەمنی ڤە، “ناتوانن” سۆزا پێشمەرگەیێن قارەمانە، یێم کو ب خوینا خۆ سنۆرێ نیشتیمانی دپارێزن. ئەڤ پەیڤە، هشیارکرنەکە بۆ هەر دەستدرێژکارەکێ، کو د خەیالا خودا هزر د هەرەشەکرنا ئاسایشا هەرێمێ دا بکەت.
د وارێ ئاڤەدانکرنێ دا، “ناتوانن” ئاستەنگەکە ل بەر گەندەلی و پاشڤەمانێ. ئەڤ پەیڤە گازیەکە بۆ ئاڤاکرنا کوردستانەکا بهێز و پێشکەفتی.
“ ناتوانن” پێشیا گەشەسەندنا ئابۆریا مە بگرن، ناتوانن خەونا گەنج و لاوێن مە، ژبۆ پاشەرۆژەکا گەشتر بدزن.
“ناتوانن” هەوارا نفشەکێیە کو بڕیار دایە ببنە خودانێ چارەنڤیسا خۆ. ئەڤ پەیڤە، درۆشمێ سەربەخۆیی و سەروەرییێ یە، کو ل هەمی کۆلان و شەقامێن کوردستانێ دەنگڤە ددەت.
ل دووماهێی من دڤێت بێژم، “ناتوانن”ـا برا گەورەییێ هیڤی بەخش، نە بتنێ پەیڤەکە، بەلکو فەلسەفا بەردەوامی و سەرکەفتنێ یە. ئەڤە، پەیمانەکە کو کوردستان، ب سەرکردایەتیەکا حەکیم و شەهرەزا و گەلەکێ ئێکگرتی، بەرەڤ لۆتکا سەرفرازی و سەربەستیێ پێنگاڤا د هاڤێژیت، چ هێزەک نەشێت پێشیا ڤێ ڕێڕەوا دیرۆکی بگریت.
نەخێر، نەخێر، بخودێ هوین ناتوانن…
